आहा रारा गोल्डकपको फाइनलमा पुग्न चर्च ब्वाइज र आर्मी भिड्दै

पोखरा । जारी आहा रारा ! पोखरा गोल्डकप फुटबल प्रतियोगिताको फाइनल प्रवेशका लागि आज चर्च ब्वाइज युनाइटेड र त्रिभुवन आर्मी क्लब भिड्दैछन् । यी दुई टोलीबीच आज पोखरा रङ्गशालामा प्रतिस्पर्धा हुन लागेको हो ।

आजको खेलको विजेता टोलीले माघ २० गते प्रतियोगिताको उपाधिका लागि थ्रीस्टार क्लबसँग प्रतिस्पर्धा गर्नेछ ।

आर्मीले प्रतियोगिताको प्रिक्वाटरफाइनलको खेलमा राइजिङस्टर एफसी र क्वाटरफाइनलमा डिफेन्डिङ च्याम्पियन सङ्कटा क्लबलाई हराउँदै सेमिफाइनलको यात्रा तय गरेको हो ।

चर्च ब्वाइजले क्वाटरफाइनलमा सिधै स्थान पाएको थियो । क्वाटरफाइनलको खेलमा चर्च ब्वाइजले नेपाल पुलिसलाई हराएर सेमिफाइनल पुगेको टोली हो ।

फाइनल प्रवेश गरेको थ्रीस्टार क्लबले जावलाखेल युथ क्लबलाई १–० गोलले पराजित गरेको थियो । फाइनल खेल माघ २० गते हुनेछ ।