जोर्डन एसियन कप फुटबलको फाइनलमा

काठमाडौं । जोर्डन एएफसी एसियन कप फुटबलको फाइनलमा प्रवेश गरेको छ । मंगलबार राति भएको खेलमा साउथ कोरियलाई २–० गोल अन्तरले हराउँदै जोर्डन प्रतियोगिताको फाइनल प्रवेश गरेको हो ।

जोर्डनले दुवै गोल दोस्रो हाफमा गरेको हो । जोर्डनले ५३ औं मिनेटमा याजन अल नैमतको गोलबाट अग्रता लिएको थियो । ६६ औं मिनेटमा मौसा अल तमारीको गोलमा जोर्डनले अग्रता दोब्बर बनाएको थियो ।

दोस्रो सेमिफाइनलमा आज हुँदैछ । आज हुने खेलमा इरान र कतार भिड्दैछन् । यो खेलको विजेताले उपाधिको लागि जोर्डनसँग प्रतिस्पर्धा गर्नेछ ।