नामिवियाले नेदरल्याण्ड्सलाई दियो १ सय २४ रनको लक्ष्य

काठमाडौँ । नेदरल्यान्ड्सले आईसीसी क्रिकेट विश्वकप लिग–२ त्रिकोणात्मक ओडीआई सिरिजमा नामिवियालाई १ सय २३ रनमा अलआउट गरेको छ ।

कीर्तिपुरमा टस हारेर पहिले ब्याटिङ गरेको नामिविया ३५ ओभर १ बलमा १ सय २३ रन बनाएर अलआउट भयो । डच टोलीको धारिलो बलिङ अगाडि नामिवियाको ब्याटिङ लाईन ध्वस्त भयो । उसका लागि छैटौं नम्बरका ब्याटर जेजे स्मितले २६ र नवौं नम्बरका ब्याटर रुबेन ट्रपलम्यानले २० र जेन ग्रीनले १९ रन जोडे ।

त्यस्तै निकोलस डेविन र जेर्राड एरासमसले समान १३ र बेर्नाड स्कोल्जले १२ रन बनाए । नेदरल्याण्डका लागि स्पिनर आर्यन दत्तले सर्वाधिक ६ विकेट लिए । कायल क्लेनले २, म्याक्स ओडाउड र रोल्फ भान डेरले १–१ विकेट लिए ।