नेपालले नेदरल्यान्ड्सलाई ६ विकेटले हरायाे

काठमाडौँ । त्रिदेशीय टी–२० क्रिकेट शृङ्खलाकाे आफ्नाे अन्तिम खेलमा नेपालले नेदरल्यान्ड्सलाई ६ विकेटले हराएकाे छ । नेदरल्यान्ड्सले दिएकाे १ सय २१ रनकाे लक्ष्य नेपालले १५ ओभर २ बलमा ४ विकेट गुमाएर भेटायाे ।

नेपालका कप्तान राेहित पाैडेलले सबैभन्दा धेरै ४६ रन बनाए । यस्तै गुल्सन झा ३८ रन बनाएर आउट भए । नेदरल्यान्ड्सका भिभान किङ्गमाले ३ विकेट लिए ।

टस जितेर ब्याटिङ गरेकाे नेदरल्यान्ड्स १९ ओभर ३ बलमा १ सय २० रनमा समेटियाे । नेदरल्यान्ड्सका म्याक्स ओडाउडले सबैभन्दा धेरै ३१ रन बनाए । नेपालका प्रतिस जिसीले ३ तथा करण केसी र कुशल मल्लले समान २ विकेट लिए ।

जितसँगै नेपालले फाइनल खेल्ने सम्भावना बलियाे भएकाे छ । नेपाल ४ अङ्कसहित तालिकाकाे दाेस्राे स्थानमा छ । नेदरल्यान्ड्स ४ अङ्क भए पनि नेट रन रेटका आधारमा शीर्ष स्थानमा छ । नामिबिया २ अङ्कका साथ पुछारमा छ ।

शृङ्खलाकाे अन्तिम खेलमा भाेलि नामिबिया र नेदरल्यान्ड्सबीच खेल्नेछन् । फाइनल खेल मङ्गलवार हुनेछ ।