नेपाल–भारत बीचको फाइनल खेलमा प्रधानमन्त्री ओली सहभागी हुने

काठमाडौँ । काभा वुमन्स नेसन्स लिग भलिबलको उपाधिका आज नेपालले भारतसँग प्रतिस्पर्धा गर्दैछ ।

उक्त फाइनल खेल हेर्न प्रधानमन्त्री केपी शर्मा ओली पनि त्रिपुरेश्वरस्थित दशरथ रंगशालाको कभर्ड हल जाने भएका छन् । प्रधानमन्त्री ओलीको सचिवालयलले जानकारी दिएअनुसार प्रधानमन्त्री सवा चार बजे त्रिपुरेश्वरस्थित दशरथ रंगशालाको कभर्ड हल पुग्नेछन् ।

कभर्ड हलमा साँझ ५ बजे नेपाल र भारतबीच उपाधिका लागि भिडन्त हुनेछ । बुधबार सेमिफाइनलमा इरानलाई हराएर नेपाल फाइनल प्रवेश गरेको थियो । भारत श्रीलंकालाई हराउँदै फाइनलमा पुगेको थियो ।