काठमाडौँ । श्रीलंकालाई हराउँदै इरान काभा महिला भलिबल नेसन्स लिगमा तेस्रो भएको छ ।
बुधबार भएको तेस्रो स्थानको खेलमा श्रीलंकामाथि सोझो सेटको जित निकाल्दै इरानले कास्य पदक जितेको हो ।
त्रिपुरेश्वरस्थित राष्ट्रिय खेलकुद परिषद्को कभर्डहलमा भएको खेलमा इरानले श्रीलंकामाथि २५–२२, २८–२६ र २५–१७ को सहज जित निकाल्दै गर्दै कास्य पदक जितेको हो ।
सेमिफाइनलमा इरान नेपालसँग सोझो सेटमा पराजित हुँदै तेस्रो स्थानका लागि खेलेको हो । श्रीलंका भने भारतसँग पराजित भएको थियो ।
पाँच टोली सम्मिलित लिगमा श्रीलंका काभामा चौथो भएको छ। लिग चरणका सबै खेलमा पराजित भएको मालदिभ्स भने पाचौँ भएको छ ।
आजै हुने फाइनल खेलमा नेपाल र भारत भिड्दैछन्। सो खेल पाँच बजे सुरु हुनेछ। साविक विजेता समेत रहेको भारत उपाधि रक्षाको होडमा छ ।
नेपाल भने भारतमाथि लिग चरणकै इतिहास दोहोराउने योजनामा हुनेछ ।
