‘ए’ डिभिजन लिगमा आज दुई खेल हुँदै

काठमाडौँ। शहिद स्मारक ‘ए’ डिभिजन लिग फुटबलमा आज सोमबार दुई खेलहरु हुँदैछन्। आजको खेलहरु सातदोबाटोस्थित एन्फा कम्प्लेक्स र च्यासलस्थित च्यासल रंगशालामा हुन लागेको हो।

एन्फा कम्प्लेक्समा त्रिभुवन आर्मी क्लब र फ्रेन्ड्स क्लबबीच प्रतिस्पर्धा हुनेछ। यो खेल दिउँसो ३ बजे सुरु हुनेछ। आर्मीले १९ खेलबाट २६ अंक जोडेको छ। समान खेलबाट फ्रेन्ड्सले २१ अंक जोडेको छ।

यस्तै च्यासल मैदानमा शीर्ष स्थानको चर्च ब्वाइज युनाईटेड र हिमालयन शेर्पा क्लबबीच प्रतिस्पर्धा हुनेछ। यो खेल पनि दिउँसो ३ बजे सुरु हुनेछ।

चर्च ब्वाइजले १९ खेलबाट ३६ अंक जोडेर शीर्ष स्थानमा रहेको छ। समान खेलबाट शेर्पाले २५ अंक जोडेको छ।