पोखरालाई ७ विकेटले पराजित गर्दै कर्णालीको तेस्रो जित

काठमाडौं । नेपाल प्रिमियर लिग (एनपीएल) क्रिकेट प्रतियोगितामा पोखरा एभेन्जर्सलाई ७ विकेटले पराजित गर्दै कर्णाली याक्सले तेस्रो जित हात पारेको छ ।

कीर्तिपुरस्थित त्रि.वि. क्रिकेट मैदानमा जारी खेलमा जितका लागि पोखराले दिएको १ सय ४ रनको लक्ष्य कर्णालीले १५ ओभरमा ३ विकेट गुमाएर पुरा गर्‍यो । त्यसअघि टस जितेर पहिले ब्याटिङ गरेको पोखरा एभेन्जर्सले १६.३ ओभरमा अलआउट हुँदै १ सय ३ रन मात्र बनाएको थियो ।

यसअघिका खेलमा कर्णालीले चितवनलाई ६ विकेटले र चौथो खेलमा विराटनगरलाई सात रनले हराएको थियो । आज भएको खेलमा पोखरालाई ७ विकेटले पराजित गर्दै कर्णालीले तेस्रो जित हात पारेको हो ।