काठमाडौँ। आईसीसी विश्वकप छनोटको पहिलो खेलमा नेपालले जिम्बावेविरुद्ध टस हारेर पहिला ब्याटिङको निम्तो पाएको छ। खेल जिम्बावेको हरारे स्पोट्स क्लबमा सुरु हुँदैछ।
नेपालले प्लेइङ ११मा स्पिनर ललित राजवंशीलाई बेन्चमा राख्दै गुलसन झालाई स्थान दिएको छ। कुशल भुर्तेल, आसिफ शेख, भिम सार्की, रोहित पौडेल, कुशल मल्ल, आरिफ शेख, दीपेन्द्रसिंह ऐरी, सोमपाल कामी, करण केसी र सन्दीप लामिछाने प्लेइङ ११ मा छन्।
विश्वकप छनोट अघि नेपालले जिम्बावेमा खेलेका दुई वार्मअप म्याचमा एउटामा जित र एक खेलमा हारको नतिजा निकालेको थियो।
पहिलो पटक टेस्ट राष्ट्रसँग एकदिवसीय अन्तर्राष्ट्रिय खेल खेल्न लागेको नेपाल आज जिम्बावेलाई हराउँदै विश्वकप छनोटमा सुखद सुरुआत गर्ने लक्ष्यमा छ।
