डेक्लान राइस अनुबन्ध गर्न म्यानचेस्टर सिटीले गरेको ९० मिलियन पाउण्डको अफर वेस्टहमद्वारा अस्वीकार

एजेन्सी । पछिल्लो समय निकै चर्चामा रहेका खेलाडी हुन् डेक्लान राइस । उनलाई प्रतिष्ठित क्लबहरुले अनुबन्ध गर्न चाहिरहेका छन् । उनलाई अनुबन्ध गर्न आर्सनलले वेस्टहम युनाइटेड समक्ष ७५ मिलियन पाउण्डको अफर दिएको थियो ।

दुई पटकसम्म आर्सनलको अफर अस्वीकार गरेको वेस्टहमले म्यानचेस्टर सिटीको ९० मिलियन पाउण्ड अफर पनि अस्वीकार गरेको छ ।

वेस्टहमले १०० मिलियन पाउण्डभन्दा कमीमा उनलाई नबेच्ने प्रष्ट पारेको छ ।

उनलाई आर्सनललाई कडा टक्कर दिएको म्यानचेस्टर सिटीले अर्को प्रस्ताव अगाडि राख्ने बताइएको छ ।

उता आर्सनलले पनि तेस्रो अफर दिन तयारी गरेको बताइएको छ ।