एजेन्सी । बेलायती प्रधानमन्त्री ऋषि सुनक पनि निजी जेट प्रयोग गरेकोमा बेलायतमा आलोचनाको सामना गर्नु परेको छ । जब उनलाई बेलायतमा निजी जेट प्रयोग गर्ने बारे सोधिएको थियो, उनी रिसाएको मिडिया रिपोर्टमा उल्लेख छ।
सञ्चारमाध्यमका अनुसार उनले अन्तर्वार्ता पनि बीचमै छाडेपछि थप विवादमा परेका छन् ।
विपक्षी नेताहरूले पनि यस विषयमा सुनकको रवैयालाई गैरजिम्मेवार भनेका छन् । एक मिडिया रिपोर्टका अनुसार भारतीय मूलका प्रधानमन्त्री ऋषि सुनकले पनि एक घन्टामा ट्रेनबाट बेलायत पुग्न सक्ने यात्राका लागि निजी जेटको प्रयोग गरेका थिए। अर्कोतर्फ भने सुनकले आफूले समयको सदुपयोग गर्न चाहेकोले निजी जेट प्रयोग गरेको दाबी गरेका छन् ।
बेलायती प्रधानमन्त्री सुनक केही महिनादेखि निजी जेट प्रयोग गरेको भन्दै विपक्षी र मिडियाको निशानामा छन् । उनी सोमबार निजी विमानमा स्कटल्याण्ड गएका थिए । फर्किएपछि उनले ‘बीबीसी रेडियो’लाई अन्तर्वार्ता दिएका थिए । उक्त अन्तर्वार्तामा तपाई जहिले पनि जलवायु परिवर्तनको कुरा गर्नुहुन्छ तर अर्कोतिर देशभित्र घुम्नका लागि निजी जेट पनि प्रयोग गर्नुहुन्छ भनी सोधिएको थियो । यो प्रश्नमा बेलायती प्रधानमन्त्री सुनक रिसाएको बताइएको छ ।
उनले असन्तुष्ट स्वरमा भने, ‘म आफ्नो समयको सदुपयोग गर्छु । प्रश्न उठाउनुको सट्टा समाधानको कुरा गर्नु राम्रो हुन्छ । पहिले पनि यस्तै यात्रा गर्थे, आज पनि गर्दैछु । समयको सही सदुपयोग गर्दा के गलत छ ?
