बेलायती प्रधानमन्त्री ऋषि सुनक आज इजरायल जादै

लण्डन । गाजामा भएको आक्रमणबीच बेलायती प्रधानमन्त्री ऋषि सुनक आज इजरायल जादैछन् । उक्त क्रममा उनले अन्य क्षेत्रीय राजधानीहरूको भ्रमण गर्नु अघि प्रधानमन्त्री बेन्जामिन नेतान्याहु र राष्ट्रपति इसाक हर्जोगलाई भेट्ने छन्, रोयटर्सले बेलायती प्रधानमन्त्रीको कार्यालयलाई उद्धृत गर्दै रिपोर्ट गरेको छ।

यसअघि अमेरिकी राष्ट्रपति जो बाइडेनले पनि इजरायल पुगेर प्रधानमन्त्री नेतन्याहु र राष्ट्रपति इसाकलाई भेटेका थिए ।

गाजामा इजरायली हमलामा करिब २८०० प्यालेस्टाइनीको मृत्यु भएको छ ।

स्वास्थ्य अधिकारीहरुका अनुसार थप १२ सय मानिस भग्नावशेषमुनि पुरिएको आशंका गरिएको छ ।

यो संख्या मंगलबार अल अहली अस्पतालमा विस्फोट हुनु अघिको हो। विस्फोटको कारणलाई लिएर पनि विवाद सुरु भएको छ ।