जब चीनबाट ४ लाख मानिसहरु अमेरिका पुगे !

• सोमबार, २४ चैत, २०७६
• 1 month ago
• अन्तर्राष्ट्रिय

एजेन्सी । अमेरिकामा कोरोना भाइरसका कारण हालसम्म ९ हजार ६२० जनाको मृत्यु भइसकेको छ । त्यस्तै संक्रमितको संख्या ३ लाख ३६ हजार भन्दा बढी पुगेको छ । विश्वभर सबैभन्दा बढी संक्रमितको संख्या भएको देश पनि अमेरिका हो । अमेरिकाले यो महामारीलाई राजनीतिक षड्यन्त्रको रुपमा व्याख्या गरेपछि चीनसँगको सम्बन्धमा तिक्तता आएको थियो । 

 

तर, जब पछि अमेरिका स्वयम नै यो महामारीबाट सबैभन्दा धेरै प्रताणित भयो आज चीनसँग नै अमेरिकाले सहयोग मागिरहेको छ । अमेरिकाले बेलैमा होस पु्याएको भए यो दुर्दशा नआउने अधिकारीहरु बताउँछन । केही महिना अगाडि अमेरिकामा छिटपुटमात्र कोरोना भाइरसको केशहरु बाहिर आएका थिए । 

 

तर, पछिल्लो समय एक दिनमै ३० हजारभन्दा बढी संक्रमितहरु देखिन थालेपछि अमेरिकामा भयावह स्थिति रहेको छ । न्युर्योक टाइम्समा प्रकाशित एक रिपोर्टका अनुसार चीनमा कोरोना भाइरस फैलिएको केही दिनपछि ४ लाख ३० हजार मानिसले अमेरिका उडान भरेका थिए । त्यतिबेला उनीहरुलाई कोरोना भाइरस फैलिएको ताजा जानकारी मिलेको थियो । 

 

तीमध्ये केयौँ यस्ता यात्रीहरु थिए जसले वुहानदेखि अमेरिका सिधा पुगेका थिए । अमेरिकाले चीनलाई प्रतिबन्ध लगाउनुपुर्व चीनका ११ राज्यबाट करिब १३०० उडान अमेरिकाका लागि भइसकेका थिए । ती व्यक्तिहरु अमेरिका पुगिसकेका थिए ।

 

रिपोर्टका अनुसार चीनका अधिकारीहरुले कोरोना भाइरस फैलिएको जानकारी गराएसँगै ४ लाख ३० हजार मानिसहरुले चीन छोड्दै अमेरिका पुगेका थिए । तीमध्ये ४० हजारक केही व्यक्तिहरु रहेका थिए जो अमेरिकाले प्रतिबन्ध लगाएको दुई महिनापछि पनि यात्रा गरिरहेका थिए  ।

 

रिपोर्टका अनुसार चीनबाट आएका मानिसहरुको चेकजाँच खासै गम्भीरताका साथ गरिएको थिएन । जनवरीमा यो भाइरसलाई चिनियाँ अधिकारीहरुले समेत ठुलो चासो दिएका थिएनन् । 

 

त्यतिबेला समेत चीनमा आउने र जानेको खासै चेकजाँच भएको थिएन । 

 

अमेरिकामा कोरोना भाइरसको प्रकोप बढेको बढ्यै छ । उता युरोपियन देशहरुले २७ अप्रिलसम्म लकडाउनको नीति अपनाएका छन् । 

 

• America-and-trump