नवलपुरमा जीप दुर्घटना हुँदा ६ जनाको मृत्यु

नवलपुर । नवलपुरको देवचुलीको मुण्डेमा जीप दुर्घटना हुँदा ६ जनाको मृत्यु भएको छ । बिहान बुलिङटारबाट कावासोती आउँदै गरेको जीप एस मोड भन्ने ठाउँमा दुर्घटना हुँदा ६ जनाको मृत्यु भएको प्रहरीले जनाएको छ ।

प्रहरीले दिएको जानकारी अनुसार मृतकमध्ये तीन जना महिला र तीन जना पुरुष रहेका छन् ।

जीपमा ७ जना सवार रहेकोमा एक जना गम्भीर घाइते भएका छन् ।

मृतकको पहिचान खुलेको छैन ।

शवलाई पोष्टमार्टमका लागि जिल्ला अस्पताल डण्डा पठाइएको छ ।