‘म १८ वर्षदेखि सिनेमा क्षेत्रमा छु, सिनेमा बाहेकको काम जानेको छैन’

बसन्त अधिकारी विगत १८ वर्षदेखि नेपाली सिनेमा क्षेत्रमा काम गरिरहेका एक व्यक्तिको नाम हो । थुप्रै सफल चलचित्रमा मुख्य सहायक निर्देशक भएर काम गरेका अधिकारीले निर्देशन गरेको पहिलो चलचित्र ‘जानी नजानी’ आउँदो चैत १ गतेबाट रिलिज हुँदैछ । आधुनिक प्रेम कथामा आधारित जानी नजानीको रिलिज मिति नजिकिदै जाँदा निर्देशक अधिकारीको दैनिकी सदाभन्दा अझै व्यस्त बन्दै गएको छ । यतिका लामो समय सिनेमा क्षेत्रमा काम गरेर निर्देशनमा होमिएका उनै अधिकारीसँग सुवास गौलीले गरेको कुराकानीः

 

के छ खबर ?

सबै ठिक छ । चलचित्र ‘जानी नजानी’ रिलिज हुने समय नजिक आइसक्यो । रिलिज मिति चैत १ गतेलाई तय भएको छ । म अहिले पोष्ट प्रोडक्सनको काममा व्यस्त छु । शुक्रबार फिल्मको ट्रेलर पनि रिलिज भइसकेको छ । त्यसमा धेरै सकारात्मक प्रतिक्रियाहरु आएका छन् । त्यसले निकै उत्साहित बनाएको छ ।

 

तपाईको त यो डेब्यू चलचित्र तर, यसभन्दा अघि पनि धेरै चलचित्रमा काम गर्नुभयो है ?

 

निर्देशकको हिसावले यो मेरो पहिलो सिनेमा चाँही हो । तर, म विगत १८ वर्षदेखि चलचित्र क्षेत्रमा नै काम गरिरहेको छु । मैले यो क्षेत्रको काम बाहेक अन्य केही जानेको छैन । म आफैलाई यति नै चलचित्रमा काम गरे भन्ने हेक्का छैन । तर, चलेका केही सिनेमाहरु प्रेमगीत, ड्रिम्स, ए मेरो हजुर–२, दशगजा, भिमदत्त लगायतमा सहायक निर्देशक थिए । त्यस्तै दर्शकहरुले रुचाउनुभएको सर्ट मुभी  भुसको लोग्नेमा पनि काम गर्ने मौका पाएको थिए । 

 

सहायक हुँदा पनि त चलचित्रको निर्देशक बन्ने अफर आयो होला नि ?

 

आएका थिए । तर म त्यो बेला सिनेमा निर्देशन गर्न मानसिक रुपले तयार थिइन । सिनेमा निर्देशन गरिहाल्नु मेरो लागि ठूलो कुरा थिएन । मलाई अझै धेरै कुरा सिक्नु थियो । सोही कारणले गर्दा म उचित समयको पर्खाइमा थिए । 

 

डेब्यू निर्देशक हुँदा र सहायक भएर काम गर्दा के फरक हुँदो रहेछ ?

 

 

फरक छ नि । हिजोको दिनमा जिम्मेवारी निर्देशकले लिनुहुन्थ्यो । अहिले म निर्देशक भएको छु त्यसैले सफलता–असफलताको जिम्मेवारी मेरो काँधमा आउने छ । निर्देशकलाई सिनेमाको समग्र पक्षको जानकारी हुनुपर्छ । पहिलो फ्रेमदेखि अन्तिम फ्रेम तयार हुँदासम्म टिमसँगको सहकार्यलाई जारी राख्ने काम नै निर्देशकको हुन्छ । सहायक हुँदा त्यो जरुरी थिएन । सो समयमा म पनि कसैबाट निर्देशित भएर काम गर्थेैं । 

 

खासमा तपाई चलचित्र क्षेत्रमा कसरी लाग्नुभयो ?

 

म पोखराको निर्मलपोखरीमा जन्मेको हुँ । म सानैदेखि सिनेमा अत्याधिक हेर्ने गर्थें । विद्यालयमा हुने मनोरञ्जनात्मक कार्यक्रममा पनि सहभागी हुन्थें । मेरा सानैमा सिनेमाप्रति झुकाव हुँदा साथीहरुले यो त डाइरेक्टर बन्छ जस्तो छ है भन्थे । १८–१९ वर्षअघि एउटा एनजीओको कार्यक्रममा सहभागी हुन काठमाडौं आएको थिए । सोही समयमा मलाई सिनेमा क्षेत्रमा काम गर्न मन लागेको इच्छा एक जना दाईलाई बताए । उहाँले मलाई सिनेमाको ध्वनीमा काम गर्ने सागर घिमिरेलाई भेटाइदिनुभयो । उहाँलाई मैले निर्देशक बन्ने इच्छा व्यक्त गरे तर, उहाँले ध्वनीसँगै काम अघि बढाउने हो भने सिनेमाको बारेमा धेरै कुरा सिकिन्छ भनेपछि मैले ‘हिरो’ सिनेमामा ध्वनीको काम गरें । छविराज ओझाको व्यानरमा बनेको उक्त फिल्ममा रेखा थापा, पुजना प्रधान लगायतका कलाकारहरुको अभिनय थियो । ध्वनीसँगै मैले मेकअपमा पनि काम गरें । 

 

तर, निर्देशन विद्यापट्टीको पहिलो सिनेमा ‘संजिवनी’ हो । उक्त सिनेमाको लागि मैले क्ल्याप हान्ने मौका पाएको थिए । मैले प्रदिप श्रेष्ठ, सुदर्शन थापा, दयाराम दाहाल, उज्वल घिमिरे लगायतका निर्देशकहरुसँग काम गरिसकेको छु । मैले दिग्गजहरुबाट सिकेको काम अहिले फलदायी भएको छ । त्यसैले मलाई सेटमा हुने सबै कुराहरु थाहा हुन्छ । मलाई कसैले ठग्न सक्दैनन् । 

 

पहिलो चलचित्र रिलिज हुँदैछ, ट्रेलरमा पनि राम्रै प्रतिक्रिया छन्, कतिको उत्साहित हुनुहुन्छ ?

जानी नजानी मेरो पहिलो बच्चा हो । मेरो लागि हरेक दिन चुनौतिपूर्ण छन् । बच्चालाई जस्तो स्याहार सम्हारको आवश्यकता पर्छ । त्यस्तै गरि मैले सिनेमाको लागि दिनरात नभनी काम गरिरहेको छु । तर, पहिलो सिनेमामा सबैसँग राम्रो समन्वय भएको कारणले गर्दा म उत्साहित छु । मलाई थाहा छ मेरो अथक मेहनतले सिनेमा सफल हुन्छ र म विश्वस्त पनि छु । सिनेमाको ब्यापार कस्तो हुन्छ भन्न सक्दिन तर, सिनेमाको ट्रेलर पनि मन पराइएको छ । त्यसैले व्यापारिक हिसावले पनि राम्रो हुन्छ भन्ने आश गरेको छु । मैले भविष्यका स्टारहरुलाई लिएर सिनेमा बनाएको हुँ तै पनि उनीहरुले गरेको कामको प्रशंसा भएको छ । यसै सिनेमाले मेरो अबको गन्तब्यको निर्धारण गर्ने भएकोले उत्साहितसँगै अत्याधिक डर पनि छ । 

 

ट्रेलर त हेरियो चलचित्र चाँहि कस्तो बनेको छ ?

म विगत १८ वर्षदेखि यसै सिनेमा क्षेत्रमा छु । जानी नजानीमा मैले चलचित्र क्षेत्रमा काम गर्दाको अनुभवको व्यापक प्रयोग गरेको छु । त्यसैले जानी नजानी हेर्न ढुक्कले जाँदा हुन्छ । हुनत, कसले पो आफ्नो सिनेमालाई नराम्रो भन्छ र ! तर, मेरो सिनेमामा क्यारेक्टर हावी भएको छ । अरुको सिनेमामा निर्देशक/निर्देशकले जे भन्यो त्यही हुन्छ तर, मेरो सिनेमामा स्कृप्टको डिमान्ड अनुसार क्यारेक्टर जहाँ जानुपर्ने हो त्यही नै गइरहेको छ । निर्देशकले क्यारेक्टरलाई घुमाएको छैन । पात्रलाई गन्तब्यमा पु¥याउने कुरा नेपाली सिनेमामा कमी छ । त्यसमा मैले सुधार गरेको छ । 

 

चलचित्रमा मुख्य कलाकारहरु मनिष श्रेष्ठ, सन्नी सिंह, नम्रता तथा डेब्यू गर्ल निरिशालाई लिनुको कारण के ? 

 

चलचित्रमा देभको भूमिका मनिषले निभाएका छन् । यो भूमिका समग्र नेपाली कलाकारमध्ये ३–४ जनालाई मात्रै फिट हुन्थ्यो । मनिषसँग मैले पहिलै पनि काम गरेको हुँ । उनको सबै क्यारेक्टरसँग फिट हुने भएको कारणले गर्दा मनिष रोजिएको हो । सन्नीले चिरागको भूमिका निभाएका छन् । मलाई अलि स्वार्थीपन देखाउनसक्ने कलाकार चाहिएको थियो । सोही कुरा उनमा पाएपछि उनी मेरो रोजाइमा प¥यो । नम्रता वर्षाको भूमिकामा छिन् । वर्षाको स्वभाव अलि कडा छ । उसमा त्यही कुरा देखेर उनी पनि रोजाइमा परिन् । 

 

साँच्चै भन्नुपर्दा निरिशाको भूमिकाको लागि मैले केही हिरोइनहरुसँग कुरा गरेको हुँ । तर, उहाँहरु क्यारेक्टरमा सिरियस नभएको पाँए । सुरुमै मेकअपको कुरा, कस्ट्युमको कुरा गरेको मलाई मन परेन । त्यो उहाँहरुले सोच्ने कुरा पनि होइन अनि मलाई लाग्यो चलेका भनेका कलाकारहरुले सहि भूमिका निभाउन सक्दैनन् । डेब्यू नायिकाको खोजी पो गर्ने हो कि जस्तो लाग्यो । त्यसपछि केहीसँग कुरा भयो तर, फिट हुने जस्तो लागेन । खोजीकै क्रममा निरिशासँग भेट भयो । लुक्समा त उनी फिट देखियो तर, अभिनय, डाइलग तथा क्यामरेको अडिसन पार परेपछि उनी चलचित्रको लागि रोजिएकी हुन् । यी साथै अन्य कलाकारहरुलाई पनि लिएर हामीले १ महिना लामो वर्कसप ग¥यौं । वर्कसपमा क्यारेक्टरहरु तयार भएपछि हामी फ्लोरमा गएका हौं ।

 

केही कलाकारहरु निर्देशकले भनेको मान्दैनन् भन्ने सुनिन्छ, यी कलाकारहरुसँग काम गर्दा सजिलो/गाह्रो के भयो ? 

 

 

मेरो टिमवर्क राम्रो थियो । कलाकारहरुलाई मैले बच्चाजस्तै माया गर्थें । तर, सुझाव सल्लाह चाहिएको समयमा त्यो पनि दिन्थें । उनीहरुले मलाई नटेर्ने भन्ने कुरै थिएन । उनीहरु म सँग काम गर्नको लागि सहज मान्थे । मैले पनि त्यो सहज वातावरण निर्माण गरिदिन्थें । रमाइलो गर्दा गर्दै काम हुन्थ्यो । त्यसैले मैले भनेको नटेर्ने भन्ने थिएन ।

 

सिनेमाको गीत ‘एउटीलाई मुटुमा घर’ले त चर्चा कमायो नि है ? यसबाट कति उत्साहित हुनुहुन्छ ?

 

नेपाली सिनेमाको बजारीकरणको लागि गीतको ठूलो भूमिका देखिएको छ । स्टोरीसँगै सिनेमाको गीत पनि महत्वपूर्ण भएको छ । गीत हिट भएपछि दर्शक हलसम्म पुग्ने पनि देखिएको छ । ‘एउटीलाई मुटुमा घर’ले पनि सिनेमालाई एउटा उचाइमा पु¥याएको छ । तर, हामीले यो गीत पब्लिसिटीको लागि राखिएको भने होइन । यो गीत स्कृप्टको माग हो । यति हो दर्शकलाई गीत फेक लाग्दैन । 

 

विदेशमा रहेका नेपाली दर्शकले पनि चलचित्र हेर्न पाउँछन् ?

 

पाउँछन् । ढिलो चाँडोको कुरा हो । हामीले भर्खरै ट्रेलर रिलिज गरेका छौं । बिभिन्न देशको लागि कुराकानी अघि बढेको छ । मेरो सोच पनि धेरैभन्दा धेरै दर्शकले हेर्न पाउन् भन्ने छ । त्यसैको लागि काम भइरहेको छ ।

 

तपाई निर्देशक भएको हिसावले चलचित्र ‘जानी नजानी’ हेरेर दर्शकले के पाओस् भन्ने आशा गर्नुभएको छ ?

 

मैले यो सिनेमा बनाउन मैले केही वर्ष खर्चेको छु । निकै मेहनत गरेर एउटा सेपमा आएको छ । सिनेमाले प्रेमकथासँगै सामाजिक सन्देश पनि दिएको छ । सिनेमा हेरेपछि दर्शकले पैसा असुलेको महशुस गर्दै केही सिकेर जाओस् भन्ने मेरो चाहना छ ।

 

चलचित्र क्षेत्रको समस्याको बारेमा कुरा गरौं है, तपाईलाई नेपाली चलचित्र क्षेत्र कतातिर गइरहेको छ जस्तो लाग्छ ?

 

एकातिर हरेक दिन नेपाली चलचित्रमा नयाँ शैली प्रयोग भइरहेको छ । त्यो असल कुरा हो तर, सिनेमाहरु एक पछि अर्को फ्लप भइरहेका छन् । सायद हामीले दर्शकको चाहना अनुसार सिनेमा बनाएका छैनौं कि ! राम्रो सिनेमा बन्दाबन्दै पनि हलसम्म दर्शक ल्याउन पो सकेनौं कि ! हरेक सिनेमाको लागि टिमले निकै मेहनत गरेको पाएको छु । नयाँ प्रयोग पनि भइरहेको छ । तर, व्यापारिक रुपले चुकेका छौं । राम्रो नियतले सिनेमा लगानी गर्ने हो भने पैसा डुब्ने भन्ने कुरै छैन ।

 

चलचित्रको बजार साँघुरो भयो भनिरहेको बेला किन नेपाली चलचित्रहरु एक आपसमा भिड्छन् ?

 

हामीमा अरुलाई खोट लगाएर आफू उम्कने संस्कार छ । यतिको साँघुरो बजारमा वर्षमा सयौं सिनेमा बन्छन् तिनै सिनेमा एक आपसमा भिड्ने हुन् । यसमा कसैले रोकतोक लगाउन सकेको छैन । चलचित्र बनेसी सबैले चाँडै रिलिज होस् भन्ने चाहना राख्छन् । यहाँ यसबारे कुनै नियम बनेको भए यस्तो अवस्था नआउन सक्थ्यो ।

 

नेपाली चलचित्र हेर्न दर्शकहरु हलसम्म पुग्न छोड्नुको कारण युट्युबमा नै ढिलोचाँडो चलचित्र आउँछ भनेर हो रे नि त ! 

 

 

हिन्दी सिनेमा त चलचित्र रिलिज हुने बित्तिकै इन्टरनेटमा भेटिन्छन् । तै पनि हिन्दी सिनेमाको दर्शक घटेको पाइँदैन । नेपाली सिनेमा त चलचित्र रिलिज भएको लामो समयपछि युट्युबमा हाल्ने गरिएको छ । केही नेपाली सिनेमाहरु हेर्नको लागि हलमा दर्शकको घुइचो नै लाग्यो । पछि युट्युबमा पनि हिट भयो । राम्रो चलचित्र बनायो भने हलमै दर्शक पुग्छन् । युट्युबमा हाल्छन् र हेर्छु भन्नेहरु विरलै भेटिएलान् । म त भन्छु पहिला राम्रो सिनेमा बनाऔं न दर्शक त आइहाल्छन् । सफल भएका सिनेमाको उदाहरण हामीसँगै छन् ।

 

नेपाली सिनेमा निर्माताहरुको किन आलोचना भइरहेको होला ?

 

केही निर्माताहरुले हचुवाको भरमा पैसा खन्याइरहेको पाएको छु । उनीहरुलाई सिनेमाको ज्ञान जरुरी छ । कस्तो निर्देशकलाई छान्दैछु भन्ने कुरा पनि थाहा नहुनेले किन सिनेमा बनाउने आँट गर्नु ! कति सिनेमाहरु फ्लोरमा गएर त्यसै अलपत्र बनेका छन् । कम्परमाइज गरेर सिनेमा बनाएर फ्लप भएका उदाहरण त कति छन् कति । ५ लाख गोजीमा बोके पनि प्रोड्युसर ५० लाख हुनेहरु पनि प्रोड्युसर । तयारी बिना किन पैसा डुबाइरहेका होलान् ? कम्तिमा टेन्टेटिभ बजेट निकालेर सिनेमा बनायो भने त राम्रो सिनेमा बन्छन् नि । तपाईलाई थाहा छ, केही नेपाली सिनेमामा सुरुमै क्लाइमेक्स र फाइट सिन खिचिन्छ ! किनकी त्यसमा खर्च बढी हुन्छ । अनी बाँकी सिन आलटाल गरेर राख्ने गरेको पाइएको छ । निर्देशकको मिठो गफमा किन फस्नुहुन्छ त्यो चाँही उहाँलाई नै सोध्नुहोला ।

 

नेपाली चलचित्र क्षेत्रमा क्यामराको लेन्स नै नचिन्ने पनि निर्देशक भएका छन् भनेर एक चल्तीका कलाकारले भने के अवस्था यस्तै हो त ? 

 

यो कुरा कसले किन भन्यो मलाई थाहा छैन । तर, निर्देशकले राम्रो टिमको चयन चाँही गर्नुपर्छ । उसलाई लेन्सको बारेमा जानकारी हुनु नहुनुसँग मतलव छैन । लेन्सको ज्ञाता क्यामेराम्यान हो । तर, पनि सिनेमा निर्देशन गर्छु भन्नेलाई सामान्य ज्ञान छैन भने त्यसमा मेरो भन्नु केही छैन । लेन्सको बारेमा कुरा उठाउनेले आफ्नै बेइजत गर्नुभएछ । (हाँस्तै) कम्तीमा उहाँले निर्देशकलाई चिन्नुपथ्र्यों नि !

 

यो भन्दा बाहेक पनि त समस्याहरु छन् होला नि ?

 

चलचित्र क्षेत्रमा समस्या त कति हो कति । चलचित्र विकास बोर्डले चलचित्रहरुलाई नीति नियम बनाएर दायरामा ल्याउनु प¥यो क्या । चलचित्रको सेन्सर पास भएपछि मात्रै रिलिज मिति घोषणा गर्नुपर्छ । मुख्य कुरा सिनेमालाई क्षेत्र भनिन्छ । खोइ उद्योगको रुपमा अघि बढ्न सकेको । सिनेमाको लागि ऋण माग्न गयो बैंकले पत्याउँदैन । पारिश्रमिक नपाउने कलाकार तथा अन्यको ग्यारेन्टी कसले लिने ? खोइ बक्स अफिस ? खोइ निर्माता र हलवालाहरुबीचको समन्वय ? यी लगायत भित्री कुराहरु पनि धेरै छन् ।

 

अन्तमा, जानी नजानी हेर्नको लागि दर्शक किन हलसम्म पुग्ने ?

 

जानी नजानी चलचित्र चैत १ गते रिलिज हुँदैछ । यो मेरो पहिलो सिनेमा हो । हिजोको दिनमा अरुको सिनेमालाई त धेरै मेहनत गरेको थिए । आफ्नै सिनेमाको लागि त झनै कति काम गरेको छु होला । दर्शक हलमा आएपछि निराश पर्नुहुन्न । पोष्टर, गीत तथा ट्रेलरहरु रुचाइएका छन् । स्तरिय सिनेमा बनेको छ । चलचित्र हेरेपछि दर्शकहरुले मनोरञ्जनसँगै केही कुरा पक्कै जानेर आउनुहुनेछ । 

 


थप समाचार

जनताको जलविद्युत् कार्यक्रम सुरु, प्रधानमन्त्रीले किने त्रिशूली ‘बी’को शेयर

  • 13 minutes ago
जनताको जलविद्युत् कार्यक्रम सुरु, प्रधानमन्त्रीले किने त्रिशूली ‘बी’को शेयर

काठमाडौँ । प्रधानमन्त्री केपी शर्मा ओलीले जनताको जलविद्युत् कार्यक्रमअन्तर्गत त्रिशूली ‘बी’ को शेयर खरीद गरी आज जनताको शेयर आवेदन शुभारम्भ गरेका छन् । ऊर्जा, जलस्रोत तथा सिँचाइ मन्त्रालयले प्र

इन्जुरी समयको गोलले वेल्स विजयी

  • 24 minutes ago
इन्जुरी समयको गोलले वेल्स विजयी

काठमाडौँ । इन्जुरी समयमा बेन वुडबर्नले गरेको गोलले वेल्स विजयी भएको छ । बुधबार राति सम्पन्न अन्तराष्ट्रिय मैत्रीपूर्ण खेलमा वेल्सले त्रिनिडाड एण्ड टोबागोलाई १–० गोलले पराजित गरेको हो ।

यौन धन्दाको काण्डमा फसेका यी बलिउड तथा साउथ इन्डियन नायिका

  • 27 minutes ago
यौन धन्दाको काण्डमा फसेका यी बलिउड तथा साउथ इन्डियन नायिका

भारतमा सेक्स र्याकटको यो काण्ड पहिलो भने होइन। यो भन्दा पहिले पनि बलिउड तथा साउथ इन्डियाका नायिका कयौ पटक यौन धन्दाको काण्डमा फसिसकेका छन्।



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

अनिल अम्बानी कसरी टाट पल्टिए ?

अनिल अम्बानी कसरी टाट पल्टिए ?

एजेन्सी । भारतमा मात्र नभई पुरै विश्वमा चर्चित छन् दुई धनी दाजुभाई मुकेश धिरुभाइ अम्बानी र अनिल धिरुभाइ अम्बानी । यी दुई ठुला व्यापारीका पिता हुन् उद्योगपछि धिरुभाई अम्बानी ।