आचार्यको नयाँ पुस्तक 'बेलायतको वित्तीय अवलोकन' आउँदै

• शनिबार, ४ जेष्ठ, २०७६
• 1 month ago
• युके

 

लण्डन । लामो समयदेखि बेलायतमै बसेर पनि निरन्तर कलम चलाउँदै आएका लेखक विकलचन्द्र आचार्यको नयाँ पुस्तक सार्वजनिक हुने भएको छ । 

 

अर्थ व्यवस्थापनका जानकार आचार्यले 'बेलायतको वित्तीय अवलोकन' प्रकाशित गर्न लागेका हुन् ।पुस्तकमा बेलायतको वित्तीय क्षितिजका धेरै विषयहरु समावेश छन् ।

 

'बेलायतको वित्तीय परिवेशबाट नेपालले नीतिगत रुपमा सिक्न सक्ने धेरै कुराहरु पुस्तकमा छन्', आचार्यले भने,  'यसको लागि आफ्नो सुझावहरु पनि समेट्ने कोशिस गरेको छु।' 

 

विश्वको एक शक्तिशाली वित्तीय केन्द्र रहेको बेलायतको भित्री गहिराइसम्म पुगेर लेखिएको यस पुस्तकले बेलायतको वास्तविक वित्तीय परिवेश बुझ्न सहयोग पुर्याउने विश्वास उनको छ । 

 

बेलायतको प्रतिष्ठित प्राइभेट स्कुल आर्डिंङलाए कलेजमा छात्रवृत्ति पाएर वि.सं २०५० मा बेलायत आएका हुन् आचार्य ।  बेलायतस्थित अन्य विश्वविद्यालयहरुबाट थप उच्च शिक्षा लिएका उनले शिक्षा, साहित्य तथा स्वास्थ्य क्षेत्रमा कलम चलाउदै आएका छन् । 

 

गोरखा बजारमा ४५ वर्षअघि जन्मिएका उनी बेलायत आएकै अढाई दशक भइसक्दा पनि  लेखनमा निरन्तर क्रियशिल छन् । 

 

उनको लन्डनमा मुटु दुख्दा ( अनुभूति), कोरोनरी मुटुरोग (मेडिकल), बेलायती आँगनमा गोर्खाली सुवास (नियात्रा), मोह (उपन्यास)  लगायतका पुस्तकहरु प्रकाशित भइसकेका छन् ।