चाम्सको रून्चे पारा : चलचित्र नचलेपछि समीक्षकलाई दोष !
- सुवास गाैली
- बुधबार, २९ जेष्ठ, २०७६
- 11 months ago
- बिचार
काठमाडौँ । चलचित्र ‘वीरविक्रम २’ समीक्षा गरेकै आधारमा पक्राउ परेका कमेडियन प्रनेश गौतमको रिहाइको माग गर्दै माइतीघरमा प्रदर्शन भएको छ । प्रदर्शनमा फिल्म नचलेपछि समीक्षकलाई दोष दिने निर्देशक मिलन चाम्स र पक्राउ गर्ने प्रहरीको आलोचना गरिएको छ ।
प्रहरी हिरासतमा रहेका प्रनेशले भिन्न पारामा चलचित्र ‘वीरविक्रम २’ को भिडियो समीक्षा गरेका थिए । तर, चलचित्रका निर्देशक मिलन चाम्सले उनीविरुद्ध प्रहरीमा उजुरी गरेपपछि प्रहरीले गौतमलाई हिरासतमा राखेर साइबर क्राइम अन्तरगत मुद्दा चलाउने तयारी गरेको छ ।
मिम नेपालका सञ्चालक समेत रहेका प्रनेशले गरेको समीक्षाले व्यापारमा घाटा परेको भन्दै चाम्सले गौतमविरुद्ध उजुरी दर्ता गरेका थिए । तर, व्यंग्यात्मक शैलीमा वीर विक्रम चलचित्र राम्रो छैन भन्दैमा गौतमलाई गिरफ्तार गरिनु आपत्तिजनक भएको भन्दै सर्वसाधरणहरू विरोधमा उत्रिएका छन् ।
नेपाली कांग्रेस नेता एवं सांसद गगन थापाले उनको गिरफ्तारीको विरोध ट्वीटरमा एक पोष्ट गर्दै गौतमलाई नेपाल प्रहरीद्वारा साइबर अपराधमा पक्राउ गरिनु दुर्भाग्यपूर्ण र अभिव्यक्ति स्वतन्त्रताको खिलाफ भएको बताएका छन् ।
"एब्सर्डिस्ट ह्युमर"लाई विश्वभर सामान्य रूपमा लिईन्छ। त्यस्तै शैलीमा सिनेमाको हस्यौली समीक्षा गरेकोमा प्रनेश गौतमलाई नेपाल प्रहरीद्वारा साइबर अपराधमा पक्राउ गरिनु दुर्भाग्यपूर्ण र अभिव्यक्ति स्वतन्त्रताको खिलाफ छ । आलोचनात्मक चेत लोकतन्त्रको मूल मर्म हो, यसको संरक्षण गरियोस् ।
— Gagan Thapa (@thapagk) June 11, 2019
त्यस्तै, नागरिक अगुवा कनकमणि दिक्षितले ठट्यौली फिल्म रिभ्यूकै आधारमा गौतम पक्राउ पर्नु अनर्थको पराकाष्टाको संज्ञा दिएका छन् । यसले हाम्रो सामाजिक यात्राको दिशाको संकेत समेत दिएको उनको भनाई छ ।
मिम नेपाल सामाजिक सञ्जाल फेसबुकमा लोकप्रिय मनोरञ्जनात्मक फेसबुक पेज हो । पछिल्लो समय यसले विभिन्न चलचित्रहरूको प्रचारप्रसारमा सहकार्य समेत गर्दै आइरहेको छ । हँस्यौली–ठट्यौली रूपमा चलचित्रको प्रचारप्रसार गर्दै आइरहेको मिम नेपालले ‘वीर विक्रम २’को प्रवर्द्धनमा समेत सहयोग गरेको थियो ।
केही समयअघि मिम नेपालले ‘वीर विक्रम २’मा मूख्य अभिनय गरेका नाजिर हुसेन र वर्षा शिवाकोटीलाई आफ्नो युट्युब च्यानलको अन्तर्वार्ता कार्यक्रममा प्रस्तुत गरेका थिए । चलचित्रमा प्रदर्शनमा आइसकेपछि भने यसले अपेक्षित व्यापार गर्न सकेन ।
चलचित्रले अपेक्षित व्यापार गर्न नसकेको तोडमा रहेका निर्देशक चाम्स मिम नेपालमा प्रनेश गौतमले ठट्यौलीपूर्ण पारामा गरेको समीक्षा देखेपछि क्षुब्ध हुन पुगे । सोही कारण उनले गौतमविरुद्ध उजुरी गरेको टिप्पणीहरू यतिबेला भइरहेको छ ।
प्रनेशको रिहाइको माग गर्दै सामाजिक संजालमा ह्यासट्या ‘फ्रि प्रनेश गौतम’ क्याम्पियन समेत चलेको छ । यसमा विश्वका चर्चित कमेडियनहरूले पनि साथ दिएका छन् । अमेरिकन कमेडियन ली क्याम्प (रिडाक्टेड)ले प्रनेशको रिहाइको माग गर्दै एक ट्वीट गरेका छन् ।
थप समाचार
क्वारेन्टाइनमा राम्रो व्यवस्थापन नभएको भन्दै प्रशासकीय अधिकृतमाथि हातपात
- 1 hour ago
दैलेख । भैरवी गाउँपालिकाका प्रमुख प्रशासकीय अधिकृतमाथि क्वारेन्टिनमा बसेकाहरुले बुधबार हातपात गरेका छन् । गाउँपालिका ४ मा बसेकाहरुले क्वारेन्टिनमा उचित व्यवस्थापन नभएको आरोप लगाउँदै प्रशासकीय अधिकृतमा
लकडाउनका कारण गाउँमा फस्टायो यो व्यवसाय: मासिक ५० हजार आम्दानी
- 1 hour ago
म्याग्दी । कोरोना भाइरस सङ्क्रमण रोकथाम तथा नियन्त्रणका लागि सरकारले लागू गरिएको बन्दाबन्दीका कारण उद्योग, व्यापार, व्यावसाय र अन्य रोजगार पनि बन्द छ ।
कोरोनाका कारण थप एकको मृत्यु, मृतक सङ्ख्या ९ पुग्यो
- 2 hours ago
काठमाडौँ । नेपालमा कोरोना भाइरसको संक्रमणबाट थप एक जनाको मृत्यु भएको छ । स्वास्थ्य मन्त्रालयमा आयोजित नियमित पत्रकार सम्मेलनमा प्रवक्ता डा. विकास देवकोटाले जानकारी दिए । पछिल्ला मृतक दोलखाका ७
प्रेम र यौन
कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा
एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।
जीवनशैली/स्वास्थ्य
आज घरघरमा तुलसीको दल राखेर निर्जला एकादशी पर्व मनाइँदै
महोत्तरी । हिन्दू मैथिल आज मङ्गलबार घरघरमा तुलसीको दल राखेर निर्जला एकादशी पर्व मनाउँदैछन् । जेठ शुक्ल एकादशीका दिन धार्मिक महत्वको वनस्पति तुलसीको दल राख्ने परम्परानुसार आज हिन्दू मैथिलका घरघरमा उत्सवकै रूपमा यो पर्व मनाइँदै गरिएको हो ।
विचित्र विश्व
लकडाउनमा पनि आइतबार कैयौंको विवाह !
एजेन्सी । बेङ्लोरमा आइतबार एक जोडी बैबाहिक जीवनमा बाँधिदै थिए । जबकी त्यतिबेला बेङ्लोरमा कर्नाटक सरकारले लकडाउन लागु गरेको थियो ।
