विश्वको सबैभन्दा रहस्यमयी किताब, जसलाई अहिलेसम्म कसैले पढ्न सकेका छैनन्

• शुक्रबार, २७ मंसिर, २०७६
• 1 month ago
• विचित्र विश्व

 

 

 

एजेन्सी । विश्वमा अनेकौ रहस्यहरु रहेका छन् । त्यसैले विश्वका कैयौं व्यक्तित्वहरु अनेकौ रहस्यहरुको खोज–अनुसन्धानमा दत्तचित्त भएर लाग्दछन् । तर विश्वमा यस्ता कैयौं रहस्यहरु रहेका छन् जसलाई पत्ता लगाउन असम्भव जस्तै रहन्छ ।

 

यससँगै एक रहस्यमयी किताबको बारे चर्चा गरौं । २४० पाना रहेको यस किताबलाई कसैले पढ्न नपाएको भन्ने गरिन्छ । इतिहासकारहरुका अनुसार, यो रहस्यमयी किताब ६ सय वर्ष पुरानो रहेको छ ।

 

कार्बन डेटिङबाट पत्ता लागे अनुसार यसलाई १५ औं शताब्दीमा लेखिएको थियो । यस किताबलाई हातले लेखिएको थियो तर के लेखिएको छ र कुन भाषामा लेखिएको छ भन्ने कुरा आजसम्म कसैले पनि अन्दाज लगाउन सकेका छैनन् ।

 

यसलाई ‘वोयनिक म्यानुस्क्रिप्ट’ नाम दिइएको छ । यस किताबमा मानिसदेखि लिएर रुख–बिरुवाको कैयौं चित्रहरु बनाइएको छ । तर अचम्मको कुरा यस किताबमा बनाइएको केही बोट–बिरुवाको चित्र भने यस पृथ्वीमा भएका बोट–बिरुवासँग मेल खाँदैन । यस किताबको नाम ‘वोयनिक म्यानुस्क्रिप्ट’ इटालीको एक बुक डिलर विलफ्रिड वोयनिकको नाममा राखिएको हो ।

 

मान्ने गरिन्छ की उनले नै यस रहस्यमयी किताबलाई सन् १९१२ मा खरीद गरेका थिए । भन्ने गरिन्छ की यस रहस्यमयी किताबमा थुप्रै पानाहरु रहेका थिए तर यसको कैयौं पानाहरु खराब भए । यद्यपी अहिले यस किताबमा २४० पाना बचेका छन् ।

 

यस किताबको बारेमा केही विशेष कुरा थाहा पाउन सकिएको छैन तर यति अड्कल गर्न सकिन्छ की किताबमा लेखिएको थोरै शब्दहरु ल्याटिन र जर्मन भाषामा रहेको छ । 

 

• वोयनिक म्यानुस्क्रिप्ट