सरकार सहकारी ठगी गर्ने केही व्यक्ति बचाउन उद्यत भयोः कांग्रेस

काठमाडौँ । प्रमुख प्रतिपक्षी दल नेपाली कांग्रेसले सहकरीका केही ठगलाई बचाउनका लागि उद्यत भएको ठहर गरेको छ ।

सोमबार नयाँ बानेश्वरस्थित संसद् भवनको ल्होत्से हलमा बसेको आकस्मिक संसदीय दलको बैठकले सो ठहर गरेको हो ।

पार्टी प्रमुख सचेतक रमेश लेखकले संसदीय मूल्य मान्यता, परम्परालाई कमजोर गरेर पनि केही ठगलाई बचाउन उद्यत भएको निर्णय पार्टी संसदीय दलको बैठकले गरेको बताए ।

कांग्रेसको अवरोधकोबीच आज प्रधानमन्त्री पुष्पकमल दाहाल प्रचण्डले संसदबाट विश्वासको मत लिएका थिए । उनले १५७ जना सांसदहरुको समर्थन पाएका छन् ।