विश्वले ढिलो ख्याल गरेको चिनियाँ विकासः यस्ता छन् चिनियाँ महानताका प्रतिविम्बहरू

Education Park

चीनसँग महानताको परिचायक बन्ने परम्परा नै कायम रहँदै आएको छ । जसलाई प्रतिविम्बित गर्न ‘ग्रेट वाल अफ चाइना’ लाई लिन सकिन्छ । त्यसको साथै भव्य राजकीय  शैलीयुक्त ठूल्ठूला विभिन्न ठाउँमा रहेका दरबारलगायतका मानवनिर्मित भवनले पनि चिनियाँ महानताको प्रतिनिधित्व गरेका छन् । प्राचीन चिनियाँहरूमा एक किसिमले ठूल्ठूला निर्माण क्षेत्र बनाउने लत नै बसेको विभिन्न ऐतिहासिक पृष्ठभूमिले देखाइसकेका छन् ।

 

विशेषतः आधुनिक चीनको आर्थिक क्रान्तिले विश्वमा हरेक तवरबाट वर्चश्व कायम गर्न खोज्ने प्रयासलाई त्यहाँको महानताको ज्वलन्त उदाहरणका रूपमा लिन सकिन्छ । यसर्थमा पनि चिनियाँहरू आफूलाई महान बनाउन नथाकेका हुन् । उनीहरू ठूल्ठूला निर्माण क्षेत्रको कार्यलाई कहिल्यै पनि बन्द गरेको अवस्था छैन ।  दुई वर्ष पहिले चीन सरकारले देशको अर्थतन्त्र उकास्नका लागि राहत योजनाका रूपमा ४ ट्रिलियन युआन घोषणा गरेपछि, त्यहाँका जनताहरूले परम्परागत रूपमा कायम रहँदै आएको जहिले पनि ठूला र विश्वसमुदायीलाई आश्चर्य चकित तुल्याउने कार्यलाई निरन्तरता दिने निर्णय गरेको देखिन्छ । जसका केही ज्वलन्त प्रतिविम्बहरू तल प्रस्तुत गरिएका छन्

 

१. चार घन्टामै बेइजिङ–सांघाई रेलयात्रा

वर्षौं पहिलेदेखि अपेक्षा गरिएको बेइजिङ–सांघाई उच्च गतिको रेलवे सेवा आखिरमा सन् २०१०, नोभेम्बर महिनामा पूर्णता पायो । यो रेलवे लेन निर्माण परियोजना सन् २००८, अप्रिल १८ तारिखबाट सुरु भएको थियो । चिनियाँ महानताको प्रतिविम्बका रूपमा रहेको बेइजिङ–सांघाई रुट जोड्ने रेलवे लेन निर्माण अवधिमा झन्डै १ लाख ३५ हजार मानिसले रोजगारी पाएका थिए । उक्त रेलवे लेनको दूरी १ हजार ३ सय १८ किलोमिटर छ । जसको निर्माण लागत ३३.२९ अर्ब अमेरिकी डलर पुगेको थियो ।

 

२. प्रदर्शनी पार्क जीवन्त भयो

गत वर्षको मे महिनाबाट औपचारिक रूपमा उद्घाटन भएको सांघाई विश्व प्रदर्शनी ‘राम्रो सहर, राम्रो जीवन’ को नारासहित ६ महिनासम्म चलेको थियो । जसले एकै पटक विश्व समुदायको प्रतिनिधित्व गर्ने खालको पार्कको दृश्यबाट विश्व समुदायलाई नै आकर्षित गरेको थियो ।

 

उक्त प्रदर्शनी पार्कको निर्माण कार्य सन् २००६, अगष्ट महिनाबाट सुरु गरिएको थियो । पार्कले जम्मा ५.२८ वर्गकिलोमिटर क्षेत्रफल ओगटेको छ ।

 

३.नयाँ भूमिगत सहर

बेइजिङको डोङचेङ जिल्लाले आगामी २० वर्षको अवधिमा ८ वर्ग किलोमिटरयुक्त नयाँ भूमिगत सहर (अन्डरग्राउन्ड सिटी) बनाउने भएको छ । जसमा सपिङ मलको साथै भूमिगत सडकको पनि व्यवस्था मिलाइने बताइएको छ ।

 

चिनियाँ महानताको परिचायक भूमिकामा अगाडि देखिएको उक्त भूमिगत सहर बनाउने बृहत्  महत्वकांक्षी योजनाको कार्यान्वयन गत वर्षको जनवरी महिनाबाट भएको थियो । बेइजिङको स्थानीय डोङचेङ सरकारले भूमिगत सहरको आकार तीन तलायुक्त रहने दाबी गरेको छ ।

 

४.एसियाली खेलकुदको सहरः गोन्जाउ

दुई वर्षभन्दा लामो समयअवधिको निर्माण कार्यपछि अन्त्यमा चीनको दक्षिणी गोन्जाउ खेलकुद सहरको निर्माण कार्य सम्पन्न भयो । उक्त सहरमा गत वर्षको नोभेम्बर १२ देखि २७ सम्म चलेको १६ औं एसियाली खेलकुदमा विश्वभरिका विभिन्न समूहका खेलाडी, कोच, प्राविधिक अधिकारी तथा सञ्चारकर्मी लगायतका ४० हजारभन्दा बढी व्यक्तिको सहभागिता थियो ।

 

उक्त सहरमा १३ अपार्टमेन्टयुक्त भवनको साथै सञ्चार ग्राम, प्राविधिक अधिकारीहरूको ग्राम, इन्टरनेसनल ब्रोडकाष्ट सेन्टर तथा मुख्य सञ्चार केन्द्र लगायतका क्षेत्र छन् ।

 

५. मेगा आणविक लगानी योजना

 

चिनियाँ महानताको प्रतिविम्बका रूपमा आणविक शक्तिलाई पनि लिन सकिन्छ । चीनको सबैभन्दा ठूलो आणविक ऊर्जा कम्पनी ‘चाइना नेसनल न्युक्लियर कर्पोरेसनले आगामी सन् २०२० सम्म आणविक परियोजनामा १ सय १७.६ अर्ब अमेरिकी डलर लगानी गर्ने भएको छ । जसले देशको औद्योगिक क्रान्तिलाई टेवा पुग्नेछ  ।

 

६. चीनको सबैभन्दा लामो भूमिगत रेलवे सेवा सुचारु हुने

 

आर्थिक विकासमा उल्लेख्य फड्को मारेका चिनियाँहरू विश्व समुदायलाई चकित पार्ने कार्यलाई निरन्तरता दिँदै आएका छन् । बेइजिङको दक्षिण–पश्चिमदेखि उत्तरपश्चिम क्षेत्र जोड्ने हालसम्मकै चीनको सबैभन्दा लामो भूमिगत रेलवे सेवा छिट्टै सुरु हुने बताइएको छ । त्यसको साथै उक्त भूमिगत रेलवे जोड्ने नयाँ ‘लाइन ४’ नामक रेलवे लेन २२.५ किलोमिटरसम्म विस्तार बताइएको छ, जुन बेइजिङको दक्षिणी रिङरोडमा मिसिनेछ ।

 

 

 


थप समाचार

तनहुँमा राष्ट्रिय परिचयपत्रका लागि विवरण दर्ता शुरु

  • 23 seconds ago
तनहुँमा राष्ट्रिय परिचयपत्रका लागि विवरण दर्ता शुरु

दमौली । राष्ट्रिय परिचयपत्र वितरणका लागि तनहुँ जिल्लामा दर्ता कार्य शुरु भएको छ । गण्डकी प्रदेशका आन्तरिक मामिला तथा कानूनमन्त्री हरिबहादुर चुमानको तस्वीर खिचेर जिल्लामा सोमबारदेखि परिचयपत्र वितरणका ल

क्रिस्टोफरः एक उदाहरणिय व्यक्ति

  • 2 minutes ago
क्रिस्टोफरः एक उदाहरणिय व्यक्ति

एजेन्सी । हरेक मानिस शारिरीक तथा मानसिक रुपमा पुर्ण हुदैनन् । समाजमा केही यस्ता अशक्त व्यक्तिहरु पनि छन् जो सफल हुन हरसम्भव प्रयास गरेका छन् । सफल पनि भएका छन् । विश्वमा केही यस्ता व्यक्तिहरु छन् जसले

कतै तपाईलाई यस्तो कमजोरी त छैन, प्याज खानुहोस् ठीक हुन्छ

  • 14 minutes ago
कतै तपाईलाई यस्तो कमजोरी त छैन, प्याज खानुहोस् ठीक हुन्छ

एजेन्सी । यदी तपाईको केही दिन यता यौनेच्छामा कमी भएको छ, भने तपाईले आफ्नो खानामा ध्यान दिनुपर्छ । कुनै आहारले सेक्सको इच्छा र शक्ति पनि बढाउन मद्धत पु¥याउँछ ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

क्रिस्टोफरः एक उदाहरणिय व्यक्ति

क्रिस्टोफरः एक उदाहरणिय व्यक्ति

एजेन्सी । हरेक मानिस शारिरीक तथा मानसिक रुपमा पुर्ण हुदैनन् । समाजमा केही यस्ता अशक्त व्यक्तिहरु पनि छन् जो सफल हुन हरसम्भव प्रयास गरेका छन् । सफल पनि भएका छन् । विश्वमा केही यस्ता व्यक्तिहरु छन् जसले प्रमाणित गरिदिएका छन् सफल हुन शारिरीक रुपमा पुर्ण हुन पर्दैन ।

विचित्र विश्व

इन्स्टाग्राममा बेचिन्छ मानव खोपडि

इन्स्टाग्राममा बेचिन्छ मानव खोपडि

एजेन्सी । बेलायतमा सामाजिक सञ्जाल इन्स्टाग्राममा मानव खोपडि बिक्री हुने गर्दछ । स्थानिय मिडिया ‘द सन’ का अनुसार धेरैजसो हड्डी तथा खोपडिको विक्री रिसर्च तथा मेडिकल साइन्सको प्रयोजनका लागि गरिन्छ ।