अष्ट्रेलियामा पनि कोरोना भाइरस !

• शुक्रबार, १० माघ, २०७६
• 3 weeks ago
• अष्ट्रेलिया

 

 

 

सिड्नी । चीनबाट फैलिएको कोरोनाभाइरस अष्ट्रेलियामा पनि देखिएको भन्दै अनुसन्धान शुरु भएको छ । न्यू साउथ वेल्स राज्यमा सम्भावित चार जना विरामीमा कोरोना भाइरसको लक्ष्यण देखिएपछि अनुसन्धान शुरु भएको हो । 

 

त्यस्तै, उत्तरी राज्य क्विन्सल्याण्डमा पनि सम्भावीत दुई जनाको परिक्षण भइरहेको स्वास्थ्य अधिकारीले बताएका छन् । उत्त राज्यमा यस अघि चार जनाको स्वास्थ्य परिक्षण भए पनि उनीहरुमा कोरोना भाइरसको संक्रमण नभएको पुष्टि अधिकारीहरुले गरेका छन् ।

 

यसबारेमा क्विन्सल्याण्डका स्वास्थ्य प्रमुख डा. जेनिथ योङ्गले भने ‘हामीले सम्भावित चार जनाको स्वास्थ परिक्षण गरेका थियौं । अझै दुई जनाको स्वास्थ्य परिक्षण भइरहेको छ । 

 

अष्ट्रेलियाको मेडिकल असिफसरले कोरोना भाइरस नियन्त्रणको लागि आफूहरु तयार रहेको बताएका छन् । शुक्रबार अपरान्ह एक पत्रकार सम्मेलनको आयोजना गर्दै हालसम्मको अवस्थामा अष्ट्रेलियामा उक्त भाइरस नभेटिएको उनले बताएका हुन् । 

• कोरोनाभाइरस