थप २० जनामा कोरोना संक्रमण, संक्रमितको संख्या ५०७ पुग्यो

• शुक्रबार, ९ जेष्ठ, २०७७
• 2 days ago
• नेपाल

काठमाडौँ । नेपालमा पछिल्लो पटक थप २० जनामा कोरोना भाइरसको संक्रमण पुष्टि भएको छ । शुक्रबार स्वास्थ्य मन्त्रालयले गरेको पत्रकार सम्मेलनमा प्रवक्ता डा विकाश देवकोटाले डडेल्धुरा, मोरङ, बैतडीका एक–एक जना पुरूष र कैलालीका तीन जना  र बाँकेका १४ जना पुरूषमा कोरोनाको संक्रमण देखिएको जानकारी दिएका हुन् ।

 

उनीहरूको सेती प्रादेशिक अस्पतालमा परीक्षण गरिएको थियो। 

 

यससँगै नेपालमा सङ्क्रमित सङ्ख्या ५०७ पुगेको छ । संक्रमितमध्ये ७० जना डिस्चार्ज भएका छन् भने तीन जनाको मृत्यु भइसकेको छ ।

 

• कोरोना भाइरस