तपाई कत्तिको तनावमा हुनुहुन्छ,यो डिभाइसले पत्ता लगाइदिन्छ

• मंगलबार, ३१ भदौ, २०७६
• 8 months ago
• प्रबिधि

एजेन्सी । वैज्ञानिकहरुले एक यस्तो वाटरप्रुफ डिभाइस बनाएका छन् कि जो तपाईको छालामा टाँस्न सकिन्छ । यो सिडभाइसबाट तपाईको पसिनाको जाँच गरी सेकेण्ड भरमा तपाई कति तनावमा हुनुहुन्छ भन्ने बताउन सक्छ ।

 

यो डिभाइसबाट कुन मानिस कति मात्रामा कोर्टिसोल र तनावयुक्त हर्मोन पैदा गरिरहेको पत्ता लाग्न सक्छ । मेडिकल ल्याबमा तनावको जाँचमा कोर्टिसोलको मापन हुन्छ जुन मानिसको शरिरमा दिनभरी निक्लिरहन्छ । कोर्टिसोलको सहायताबाट नै चिकित्सकहरुले बिरामीको एड्रेनल या पिट्यूटरी ग्रन्थीले काम गरिरहेको छ कि छैन भन्ने पत्ता लगाउँछन् । तनाव पत्ता लगाउने पहिलेको तरिकाले २÷४ दिनमा मात्र रिपोर्ट आउथ्यो भने नयाँ प्रविधिले सेकेण्डभरमै रिपोर्ट बताउन सक्छ ।

 

अमेरिकाको स्टेनफोर्ड युनिभर्सिटीका प्रमुख लेखक ओनर परलकले पसिनाको सहायता लिनुको कारण स्पष्ट पार्दै शारिरीक स्थितिहरुको बारेमा पसिनानै मुख्य स्रोत भएको बताए । पसिनाको सहायताबाट शरिरका कतिपय रोगहरुको बारेमा सजिलै पत्ता लाग्ने उनको तर्क थियो ।

 

युनिभर्सिटीको टीमले एक आयाताकार आकारको सेन्सर तयार गरेका छन् । उक्त यन्त्र शरिरमा टासेर मापन गरिन्छ । यसबाट पसिनाको जाँच गरी तनावको स्तर बताउँछ । यो डिभाइस सम्पूर्ण रुपले वाटरप्रुफ छ ।

• Device