नेपालले हङकङलाई २१४ रनको लक्ष्य दियाे

काठमाडौँ । टि-२० त्रिकोणात्मक श्रृंखलामा नेपालले हङकङलाई २१४ रनको लक्ष्य दिएको छ ।

टस जितेर ब्याटिङ गरेको नेपालले २० ओभरमा ६ विकेट गुमाउँदै २१३ रन बनाउन सफल रह्यो ।

ओपनिङ ब्याट्सम्यान कुशल भुर्तेलले २ रन मात्र बनाउन सफल भए । सोमपाल कामी पनि ८ रन बनाउँदै आउट भए ।

नेपालका लागि आसिफ शेख २० रन, कप्तान रोहित पौडेल ११ रन बनाउँदै आउट भए । आज खेलमा सानदार प्रदर्शन कुशल मल्ल र दीपेन्द्र सिंह ऐरीले गरे । उनीहरुले १४५ रनको साझेदारी गरे ।

ऐरीले ५७ रन बनाए भने मल्लले ९२ रन बनाउन सफल भए ।