लण्डन । बेलायती राजनीतिमा यतिबेला भूकम्प आएको छ । बेलायती प्रधानमन्त्री ऋषि सुनकले सुएला ब्रेभरम्यानलाई आफ्नो मन्त्रिपरिषद्बाट हटाएका छन् ।
यति मात्र होइन, पूर्व प्रधानमन्त्री डेभिड क्यामरुनलाई मन्त्रिपरिषद्मा समावेश गरिएको छ ।
ऋषि सुनक यस्ता निर्णयका कारण चर्चामा छन् ।
पहिला ब्रेभरम्यानलाई पदबाट हटाउन दबाब आएको थियो । हाल उनलाई हटाइए पनि उनी आलोचनाको शिकार बनेका छन् । त्यति मात्र होइन, अहिले उनको कुर्सी पनि संकटमा परेको देखिन्छ ।
किनभने ऋषि सुनककै पार्टीका सांसदले नै उनीविरुद्ध अविश्वासको प्रस्ताव ल्याउने तयारी थालेका छन् ।
मिडिया रिपोर्टका अनुसार कन्जरभेटिभ पार्टीका सांसद एन्ड्रिया जेनकिन्सले १९२२ समितिका अध्यक्ष सर ग्राहम ब्राडीलाई पत्र लेखेका छन् ।
उक्त पत्रमा बेलायती सांसदले ऋषि सुनकलाई प्रधानमन्त्री पदबाट हटाउन माग गर्दै उनीविरुद्ध अविश्वासको प्रस्ताव पेश गरेका छन् ।
यो पत्रमा एन्ड्रिया जेनकिन्सले लेखेकी छिन्, हाम्रो पार्टीको नेता स्वयम् पार्टीका नेताहरूले नै अस्वीकार गरेका व्यक्ति हुन् र जनताले पनि उनलाई अस्वीकार गरेको चुनावी नतिजाबाट स्पष्ट हुन्छ । अब ऋषि सुनक जाने पालो आयो ।
प्रजातान्त्रिक रूपमा निर्वाचित बोरिस जोनसनलाई प्रधानमन्त्रीबाट हटाउन खोज्नेहरूमध्ये उनी एक थिए। बोरिसले ब्रेक्सिट गराउनमा महत्वपूर्ण भूमिका खेलेका थिए र पार्टीलाई ठूलो बहुमतका साथ सत्तामा ल्याउने उनले भुमिका खेलेका थिए ।
अब सुएला ब्रेभरम्यानलाई पदबाट हटाएर ऋषि सुनकले हद पार गरेको भन्दै आलोचना भएको छ ।
