IIMS College

ISMT

HUB Education

विश्वभरका एकाउन्टेन्टहरुको ग्लोबल संस्थामा दाहाल उम्मेदवार

  • बिहीबार, २४ जेष्ठ, २०७५
  • 1 year ago
  • युके
Education Park

 

Kathmandu Trade Show

 

Royal Education Foundation

 

लण्डन । विश्वभरका प्रोफेसनल एकाउन्टेन्टहरुको संस्था 'एसिसीए यूके'को काउन्सिल मेम्बरमा बेलायतमा क्रियाशिल नेपाली एकाउन्टेन्ट कृष्णप्रसाद दाहाल पनि उम्मेदवार बन्ने भएका छन् । 

 

विश्वभरका २ लाख बढि क्वालिफाइड तथा प्रोफेसनल एकाउन्टेन्टहरु सदस्य रहेको एसिसीए यूकेको काउन्सिल निर्वाचन आउंदो अक्टोबर महिनामा हुंदैछ । सो निर्वाचनमा काउन्सिल मेम्बरका ३६ वटा पदमा एसिसीए यूकेका विश्वभरका सदस्य एकाउन्टेन्टहरुमाझ निर्वाचन हुनेछ । 

 

२० वर्षभन्दा लामो समयदेखि व्यवसायिक एकाउन्टेन्टका रुपमा सक्रिय दाहाल पछिल्लो  १२ वर्षदेखि बेलायतमा कार्यरत छन् । नेपालका प्रोफेसनल एकाउन्टेन्टहरुको संस्थाका 'आइक्यान'मा पनि दाहालले सन् २००३ देखि २००६ सम्म काउन्सिल मेम्बरका रुपमा निर्वाचित भएर काम गरेका थिए । 

 

सन् २०१८ को लागि एसिसीए यूकेको काउन्सिल मेम्बरमा उम्मेदवारी घोषणा गर्दै दाहालले विश्वभरका प्रोफेसनल एकाउन्टेन्टहरु आबद्ध प्रतिष्ठित संस्थाको काउन्सिल मेम्बरका रुपमा संस्थालाई अझ बढि समावेशी, ग्लोबल र प्रभावशाली रुपमा अघि बढाउने प्रतिबद्धता गरेका छन् । 

 

'विकास र बिस्तारको ठूलो सम्भावना बोकेको यो ग्लोबल संस्थाको सदस्यको रुपमा म निकै गौरवान्वित छु ।  मैले संस्थाका सम्पुर्ण सदस्य एकाउन्टेन्टहरुलाई आव्हान गर्न चाहन्छु कि मलाई काउन्सिल मेम्बरमा निर्वाचित गरेर संस्थामा योगदान गर्ने मौका दिनुहोस्', दाहालले अपील गरेका छन्,  'संस्थाको ग्लोबल पहिचान, व्यवसायिक मुल्य, मान्यता,  ग्लोबल विज्ञता, प्राविधिक सीप र च्यारिटी स्पिरिटलाई परिस्कृत गर्दै विश्वभर उत्कृष्ट व्यवसायिक शिक्षाको बिस्तार गर्ने अभियानमा म आफ्नो अनुभव र क्षमता लगानी गर्न चाहन्छु ।'

 

दाहालले विभिन्न ३ वटा मुल एजेण्डासहित आफुलाई सदस्य एकाउन्टेन्टहरुमाझ प्रस्तुत गरेका छन् । एसिसीएलाई विश्वका हरेक क्षेत्र र मुलुकमा रिकगनाइज गराउन पहल गर्ने, एसिसीए शिक्षा र सदस्यताको लागि लाग्ने शुल्क ठाउं र त्यहांको आर्थिक क्षमताअनुसार समायोजन गराउने तथा विकासशिल देशहरुका क्षमतावान विद्यार्थीलाई प्रोत्साहन गर्न संस्थाबाट आवश्यक सहयोग गराउने लगायतका एजेण्डा अघि सारेका छन् । 

 

यसपटकको निर्वाचनमा आफुलाई सफलता मिल्नेमा दाहाल आशावादी छन् । तेस्रो विश्वका मुलुकहरुका एकाउन्टेन्टहरुको प्रतिनिधी उम्मेदवारका रुपमा पनि आफु बलियो उम्मेदवार रहेको उनको तर्क छ । 

 

'गत वर्ष नेपालमै कार्यरत एकजना एकाउन्टेन्टले प्रतिस्पर्धा गर्नुभएको थियो, वहां पराजित हुनुभए पनि सम्मानजनक मत प्राप्त गर्नुभयो । मैले त बेलायतमै १२ वर्ष यहि क्षेत्रमा काम गरिसकेको एकाउन्टेन्टका रुपमा पनि थुप्रै मतहरु आकर्षित गर्न सक्छु । त्यो अर्थमा मलाई निर्वाचन जित्न सहज हुनेछ', दाहालले भने । 

 


थप समाचार

यस समयमा सही रूपमा बाँच्न सिकेनौं भने मनोसामाजिक रोगको शिकार भइन्छः डा. राई

  • 8 minutes ago
यस समयमा सही रूपमा बाँच्न सिकेनौं भने मनोसामाजिक रोगको शिकार भइन्छः डा. राई

मनोविज्ञ डा. सुमाया राई त्रिभुवन विश्वविद्यालयकी पूर्व उपप्राध्यापक हुन् । उनले मनोविज्ञान विषयमा त्रिभुवन विश्वविद्यालयबाट विद्यावारिधी गरेकी छिन् । हाल उनी लण्डनको ह्यारोमा बसोबास गर्दै र्आकी छिन् ।

कोरोना भाइरसबाट संक्रमित एक जना नेपालीको अमेरिकामा मृत्यु

  • 19 minutes ago
कोरोना भाइरसबाट संक्रमित एक जना नेपालीको अमेरिकामा मृत्यु

एजेन्सी । अमेरिकामा पछिल्लो समय कोरोना भाइरसबाट संक्रमित नेपालीहरुको मृत्यु खबर बाहिर आएको छ । लामो समयदेखि अमेरिकामा बस्दै आइरहेका ४३ वर्षिय निमा तेम्बा शेर्पाको मृत्यु भएको छ ।

क्वारेन्टाइन अभियान नाट्य महोत्सवमा आज दुई नाटक प्रशारण हुँदै

  • 34 minutes ago
क्वारेन्टाइन अभियान नाट्य महोत्सवमा आज दुई नाटक प्रशारण हुँदै

काठमाडौँ । ‘क्वारेन्टाइन अभियान नाट्य महोत्सव २०७६’ अन्तर्गत आज दुई नाटकहरु प्रशारण हुने भएको छ । महोत्सवको चौधौं दिन आज हाँस्यव्यङ्ग्य विधाको नाटक ‘अंधेरी नगरी चौपट राजा’ र ‘द फ्लाइट’ प्रशारण हुन लाग



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

सुत्नुअघि यस्ता काम गर्दै नगर्नुहोस्

सुत्नुअघि यस्ता काम गर्दै नगर्नुहोस्

एजेन्सी । स्वस्थ जीवनका लागि कम्तीमा पनि सात–आठ घन्टाको निद्रा जरुरी हुन्छ । निद्रा नपुग्दा पाचन प्रणालीदेखि लिएर सौन्दर्यमा समेत ह्रास आउछ । त्यति मात्र होइन, निद्रा पुगेन भने मानसिक तथा शारीरिक ‘स्ट्रेस’ पनि बढ्छ ।

विचित्र विश्व

चन्द्रमाको फरक रङ, अनिष्टको संकेत

चन्द्रमाको फरक रङ, अनिष्टको संकेत

काठमाडौँ । चैत्र शुक्ल पूर्णिमाको राति मङ्गलबार आकाशमा देखिएको चन्द्रमाको फरक रङ खगोल एवं ज्योतिष शास्त्रको अध्ययनका लागि दुर्लभ घटना सावित भएको छ । शनि, वृहस्पति र मङ्गल एकै राशि अर्थात् मकरमा आइपुगेकाले यस्तो देखिएको हुनसक्ने विज्ञहरुको भनाइ छ । गएराति चन्द्रमाको बीचमा पहेँलो, किनारमा गुलाबी र निलो देखिएको थियो ।