सन्यासीको आश्रममा छापा मार्दा ६०० करोडभन्दा बढीको कालाे धन फेला

• बुधबार, ६ कार्तिक, २०७६
• 3 months ago
• अन्तर्राष्ट्रिय
• विचित्र विश्व

 

 

 

एजेनसी । भारतको आयकर विभागले एक सन्यासीको आंध्र प्रदेश, कर्नाटक र तमिलनाडुमा रहेका आश्रममा छापा मार्दा ६०० करोडभन्दा बढीको स्रोत नखुलाइएको सम्पत्ति फेला पारेको छ । ती सन्यासी बस्दै आइरहेको कल्कि भगवान आश्रमबाट ६०० करोड भारतीय रुपैयाँ भन्दा बढी भेट्टाएको हाे।

 

आयकर विभागले छापा मार्दा नगद ४५ करोड, सुनका गहना र हीरा ४० करोड र विदेशी मुद्रा २० करोड रहेको छ, द इकोनोमिक टाइम्समा उल्लेख छ ।

 

उनका अनुयायीहरूले जारी गरेको भिडियोमा, आयकरको छाप पछाडि ७० वर्षीय विजय कुमार उर्फ ​​कल्कि भगवान आफ्नी पत्नीसँगै देखिएका थिए। 

 

‘हामीले तपाईंलाई त्यागेका छैनौं। हामीले देश छाडेका छैनौं। हामी नेहमानमा छौं, कक्षा सञ्चालन गर्दै र तपाईंलाई मद्दत गर्दै। गतिविधिहरू सामान्य रूपमा जारी रहन्छ। हामी हाम्रा सबै भक्तहरूलाई धन्यवाद दिन चाहन्छौं, जो हाम्रो छेउमा उभिए र सोशल मिडियामा अद्भुत सन्देशहरू पोखाउँदै छन्’ । जारी गरिएको भिडियोमा उल्लेख छ।

 

आयकर विभागले एक विज्ञप्तिमा कालो धनको सुचना पाएपछि आफुहरुले अक्टोबर १६ मा छापा मारेको बताएकाे छ। 

 

चेन्नईमा पनि उनको विभिन्न सम्पत्तीको खोजी गरीएको थियो। हैदराबाद, बेंगलुरु, चित्तोर, र कुपम २०० भन्दा बढी कर्मचारीहरू परिचालित भएका थिए । 

 

ह्वाइट लोटसको कम्पनी कल्कि भगवानको छोरा कृष्णको हो।

 

• Property-monk