बेलायतमा कोरोना कहर, हालसम्म ६३ जना नेपालीको मृत्यु

• शुक्रबार, २ जेष्ठ, २०७७
• 1 week ago
• युके

लण्डन । बेलायतमा हालसम्म कोरोना भाइरसबाट संक्रमित ६३ जना नेपालीलले ज्यान गुमाएको लण्डनस्थित नेपाली दूतावासले जनाएको छ । 

 

हालसम्म मृत्यु भएकामध्ये ६३ जनामा कोरोना संक्रमण पुष्टी भइसकेको दूतावासका प्रवक्ता शराराज आरणले बताए । 

 

उनका अनुसार कोरोनाबाट ज्यान गुमाउने नेपालीमा ५२ जना पुरुष र ११  जना महिला रहेका छन् ।

 

उनीहरुमध्ये भूतपूर्व गोर्खा परिवारबाट  ५२ जना र अन्य समुदायबाट ११ जना रहेको दूतावासले बताएको छ ।  

 

कोरोना संक्रमणबाट मृत्यु हुनेमा अधिकांश ७० वर्षभन्दा बढी उमेरका रहेको दूतावासले जनाएको छ । 

 

गोर्खा वेल्फेयर ट्रस्ट र गोर्खाका संघसंस्थाको सहयोगमा विवरण संकलन गरिएको बताइएको छ ।

• कोरोना भाइरस
• बेलायत