'फेक रेस्क्यू' प्रकरणका दोषी जोगाउँदै रविन्द्र अधिकारी

  • शुक्रबार, २५ साउन, २०७५
  • 7 months ago
  • अर्थ

काठमाडौँ । पर्यटकलाई नक्कली बिरामी बनाएर ‘फेक रेस्क्यू’ गराउने गिरोहलाई कारबाही गर्ने भन्दै सरकारले गठन गरेको छानबिन समितिले प्रतिवेदन बुझाएको करिब एक दर्जन दिन बितेपनि कुनै पनि कारबाहीको प्रक्रिया सुरु हुन सकेको छैन ।

 

नेपालको फैलँदो पर्यटकीय गतिविधिलाई नकारात्मक बनाउन प्रयोग भएका केही व्यवसायी, हेलिकोप्टर कम्पनी, अस्पताल तथा पर्यटन व्यवसायीलाई कारबाही गरिने बताएपनि संस्कृति पर्यटन तथा नागरिक उड्डयन मन्त्रालयले हालसम्म कुनै प्रक्रिया सुरु गरेको छैन ।

 

केही विषयमा गृह मन्त्रालयलाई जानकारी गराउने र कारबाहीको प्रक्रिया सुरु गर्न प्रतिवेदनले आग्रह गरेपनि हालसम्म प्रतिवेदन गृह मन्त्रालयमा नै  पुग्न सकेको छैन ।

 

रेस्क्यूका नाममा ठगी धन्दा चलाउँदै आएका व्यवसायीमाथि सरकारले कारबाही सुरु भएको पर्यटन मन्त्रालयले दाबी गरेपनि सोही मन्त्रालयका एक वरिष्ठ अधिकारीकाअनुसार मन्त्री र सचिवले नै सो प्रतिवेदन नै राम्रोसँग अध्ययन नै गरेका छैनन् ।

 

मन्त्रालयकै मन्त्री र सचिवले नै प्रतिवेदन अध्ययन नगरेका कारण कारबाहीको प्रक्रिया अगाडि बढ्ला भन्ने बारेमा आशंका बढ्दै गएको छ ।

 

नेपाल भ्रमणमा आएका पर्यटकलाई नक्कली बिरामी बनाउने, नक्कली बीमा गर्ने र उद्दारको नाममा कमाउ धन्दा चलाउन अस्पताल, हेलिकोप्टर कम्पनी, पर्यटन व्यवसायी गरी करिब १०० भन्दा बढीलाई कारवाहीको सिफारिस गरिएको छ ।

 

छानबनि समितिले गृह मन्त्रालयको सहयोगमा कारबाही गर्ने सुझाव दिएको छ । तर गृह मन्त्रालयका शान्ति सुरक्षा महाशाखाले हालसम्म सो प्रतिवेदन नै प्राप्त नभएको जनाएको छ ।

 

‘प्रतिवेदन पठाइएको बारेमा त हामीले सञ्चार माध्यमबाट थाहा पाएका हौं, तर प्रतिवेदन हालसम्म कस्तो बनेको छ, कस्ता विषय समावेश गरिएको छ भन्ने बारेमा जानकारी पाएका छैनौं’ सो महाशाखाका एक अधिकारीले भने, ‘प्रतिवेदन पाएपछि के गर्ने भन्ने बारेमा आवश्यक निर्णय होला, प्रतिवेदन नै अध्ययन नगरी, प्रतिवेदन नै नपाई कसरी यस्तो हुन्छ भन्ने ?’

 

नेपाल आएर पदयात्राको क्रममा विभिन्न भागमा पुग्ने पर्यटकलाई नक्कली बिरामी बनाउने, नक्कली उद्दार गरी बिमा रकम असुल्ने र उद्दारको चर्काे भाडा लिई ठगी गरेको चर्को गुनासो पछि मन्त्रालयले छानबिन समिति गठन गरेको थियो । सो समिति गत जेठ २१ गते गठन भएको हो । समितिले यही साउन १४ गते प्रतिवेदन बुझाएको हो ।

 

पर्यटनमन्त्री रविन्द्र अधिकारीले छानबिन कार्यदलले बुझाएको प्रतिवेदनअनुसार विदेशी मुद्रा कारोबार गर्ने अनुमति नलिएको तर पर्यटकबापत विदेशी मुद्रामा उद्दार भाडा बापत भुक्तानी दाबी गरेको विवरण पेश गर्ने ५ ओटा कम्पनीलाई राष्ट्र बैंकबाट विदेशी विनिमय ऐनअनुसार छानबिन गर्न परिपत्र गरिएको बताएका छन् ।

 

उनले उद्दारको क्रममा महँगो शुल्क लिने ६ अस्पताललाई स्वास्थ्य मन्त्रालयबाट छानबिन गरी कारबाही गरिने बताए । तर स्वास्थ्य मन्त्रालयमा समेत हालसम्म उक्त प्रतिवेदन नै पठाइएको छैन ।

 

यस्तै महँगोमा उद्दार गर्ने ८ ट्राभल, ४ अस्पताल, ३ हेलिकप्टरको राजस्व चुहावटअनुसार छानबिन गरी कारबाही गर्न राजस्व अनुसन्धान विभागलाई अनुरोध गरिएको मन्त्री अधिकारीको भनाई छ । उनले ती निकायलाई समेत पत्राचार भइसकेको बताए पनि ती निकायमा समेत पत्र आएको÷नआएको बारे अनविज्ञता व्यक्त गरे ।

 

यस्तै पर्यटकलाई नियोजित रुपमा बिरामी गराउन खानेकुरामा मिसावट समेत गरी गराई स–संगठित तबरले बिमा रकम दाबी गर्ने गराउने कार्य गरेको वा एउटै उडानमा धेरै पर्यटक ल्याई प्रत्येक पर्यटकका आधारमा अलग–अलग बिल जारी गर्ने गरेको प्रतिवेदनले औंल्याएको छ ।

 

प्रतिवेदनमा उद्दार उडान तथा उपचार समेत नगराई कागजातहरु तयार पारी बिमा रकम दाबी गर्ने विवरण प्राप्त भएमा गृहमन्त्रालय तथा उक्त मन्त्रालयअन्तर्गत रहेको नेपाल प्रहरीबाट अनुसन्धान गराउने उल्लेख छ ।

 

त्यस्ता विषयमा संगठित अपराध तथा ठगीको कसुरमा अनुसन्धान गरी आवश्यक कारबाही अघि बढाउन गृह मन्त्रालयलाई आग्रह गर्ने प्रतिवेदनमा उल्लेख छ ।

 

मन्त्री अधिकारीले कुनै पनि निकायलाई नछाडिने र दोषी देखिएका सबैलाई कारबाहीको दायरामा ल्याउन आवश्यक पत्राचार गरिएको दावी गरे ।

 

नेपालको  पर्यटन क्षेत्रको बदनामी भएको भन्दै उनले कोही कसैले पनि छुट नपाउने विश्वास व्यक्त गरे । तर पूर्व एमाले निकटका व्यवसायी नै सो प्रकरणमा लागेको खुलेपछि मन्त्री अधिकारीले जोगाउन लागेको स्रोतहरुले जनाएका छन् ।

 


थप समाचार

राजपा अध्यक्ष मण्डलको संयोजकमा भण्डारी

  • 8 minutes ago
राजपा अध्यक्ष मण्डलको संयोजकमा भण्डारी

काठमाडौँ । राष्ट्रिय जनता पार्टी (राजपा) नेपालको अध्यक्ष मण्डलको संयोजकमा शरतसिंह भण्डारी चुनिएका छन् । राजपाको हरेक दुई महीनामा संयोजक फेरिने प्रावधानअनुसार भण्डारी संयोजक बनेका हुन् ।

डिज्ने र फक्सबीच ७१ अर्ब डलरको अन्तिम सम्झौता

  • 14 minutes ago
डिज्ने र फक्सबीच ७१ अर्ब डलरको अन्तिम सम्झौता

न्यूयोर्क । अमेरिकी मनोरञ्जन कम्पनी डिज्नेले फक्सको मनोरञ्जन व्यवसाय ७१ अर्ब अमेरिकी डलरमा खरिद गर्नेसम्बन्धी सम्झौतालाई टुङ्गो लगाएको छ । यो सम्झौतासँगै फक्सका उत्पादनहरु “सिन्डेरेला”, “दी सिम्पसन्स”

भूतापीय प्लान्ट विस्फोटका कारण भूकम्प – अध्ययन

  • 17 minutes ago
भूतापीय प्लान्ट विस्फोटका कारण भूकम्प – अध्ययन

सियोल । दक्षिण कोरियाको दोस्रो सर्वाधिक विनाशकारी भूकम्प अनुसन्धानात्मक भूतापीय -जियोथर्मल- प्लान्टका कारण भएको वैज्ञानिक अनुसन्धानबाट देखिएको सरकारी अधिकारीहरुले बताएका छन् । सन् २०१७ मा गएको उक्त भू



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

यस्तो रहेको छ बुधबारको तपाईको भाग्य !

यस्तो रहेको छ बुधबारको तपाईको भाग्य !

वि.सं.२०७५ साल चैत्र ०६ गते । बुधवार । इस्वी सन् २०१९ मार्च २० तारिख । नेपाल संवत् ११३९ । विरोधकृत संवत्सर । उत्तरायण । वसन्त ऋतु । श्रीशाके १९४० । फाल्गुन शुक्ल पक्ष । तिथि चतुर्दशी,०९ घडी ०२ पला, बिहान ०९ बजेर ४८ मिनेट उप्रान्त पूर्णिमा । नक्षत्र पूर्वाफाल्गुनी, २४ घडी १४ पला, दिउँसो ०३ बजेर ५२ मिनेट उप्रान्त उत्तरफाल्गुनि ।

विचित्र विश्व

हेर्नुस्, आङै सिरिङ्ग गराउने संसारका यी १२ दुर्लभ तस्बिर

हेर्नुस्, आङै सिरिङ्ग गराउने संसारका यी १२ दुर्लभ तस्बिर

एजेन्सी । तस्विर यस्तो एउटा जीवन्त इतिहास हो जसले हजार शब्दले बोल्न नसकेका कुरा एक तस्विरले नै बोल्न सक्छ । शब्दहरुले बताएका हजार बात झुट हुन सक्छ तर एउटा तस्विरले कहिल्यै झुट बोल्दैन ।