ठेकेदारविरुद्ध एक्सनमा उत्रिने मन्त्री महासेठको प्रतिबद्धता

• सोमबार, १८ भदौ, २०७५
• 7 months ago
• राजनीति

file-photo

विराटनगर । यातायात तथा भौतिक पूर्वाधार मन्त्री रघुवीर महासेठले समयमै काम नगर्ने ठेकेदार सांसद् भएपनि सरकारले नछाडने प्रतिबद्धता व्यक्त गरेका छन् । कानूनभन्दा माथि कोही पनि नहुने र ठेक्काको पेश्की लिएर समयमै काम नसक्ने ठेकेदार कारबाहीको भागिदार हुने उनले बताए ।

सोमबार विराटनगर विमानस्थलमा स्थानीय सञ्चारकर्मीसँग कुरा गर्दै मन्त्री महासेठले भने, ‘कानूनभन्दा माथि कोही छैन । काम नगर्ने ठेकेदार सांसद् नै भए पनि सरकारले छुट दिँदैन ।’

उनले पप्पु कन्ष्ट्रक्सनको कामबारे संसदमा समेत कुरा उठेकाले सरकारले यसलाई गम्भीरतापूर्वक लिएको बताए । मन्त्री महासेठले पप्पु कन्ष्ट्रक्सन कम्पनीमा सांसद् हरिनारायण चौधरीले आफनो संलग्नता नरहेको बताए पनि यसबारे सरकारले छानबिन गर्ने प्रतिबद्धता जनाए ।

आयोजनाको ठेक्का लिएर समयमै काम नगर्ने केही ठेकेदारको बदमासीका कारण निर्माण क्षेत्र नै बदनाम भएको भन्दै उनले गल्ती गर्नेमाथि कारबाही गर्नुको विकल्प नभएको बताए ।

उनले समयमै काम नगर्ने मुलुक भरका १ सय ४२ ठेकेदार कम्पनीलाई १ करोडदेखि ५ करोडसम्म कार्वाही स्वरुप जरिवाना गरिएको जानकारी दिए । 

त्यसैगरी यातायतको सेन्डिकेट हटाउन नचाहने २ सय ४५ कम्पनीको बैंक खाता रोकेर सम्पत्ति शुद्धीकरण आयोगले छानबिन गरिरहेको बताए ।

• मन्त्री रघुवीर महासेठ

थप समाचार

निर्मलाका हत्यारालाई कार्वाहीको माग गर्दै अधिकारकर्मीको धर्ना

• 12 minutes ago

महेन्द्रनगर । बलात्कारपछि हत्या गरिएकी कञ्चनपुरकी १३ वर्षीया निर्मला पन्तको हत्यारा पत्ता लगाउन माग गर्दै आज अधिकारकर्मीहरुले जिल्ला प्रशासन कार्यालयको गेटमा धर्ना दिएका छन् ।

अस्थायी शिक्षकद्धारा आन्दोलनको घोषणा

• 16 minutes ago

काठमाडौँ । अस्थायी शिक्षकलाई रोजगार विहिन बनाएको भन्दै अस्थायी शिक्षक केन्द्रीय संघर्ष समितिले आन्दोलन गर्ने भएको छ । उनीहरु अस्थायी शिक्षकलाई विस्थापन नगरी पटक–पटक परीक्षा दिने व्यवस्था गर्न माग गरेक

यी खानेकुरा एकसाथ खाँदै नखानुहोस्

• 27 minutes ago

एजेन्सी । कुनै चिजलाई एकै साथमा खाँदा शरिरमा बेफाइदा हुने गर्दछ । यी खानेकुरा खाँदा शरिरलाई गर्छ ठुलो हानी ।