लण्डनमा सरोज खनाल र गौरी मल्ललाई २५ वर्ष अघिका सहकर्मी भेट्ने संयोग

  • सोमबार, २८ माघ, २०७५
  • 2 months ago
  • युके

 

लण्डन । नेपाली चलचित्र क्षेत्रमा आफ्नो पालामा सर्वाधिक चलेका नायक नायिका हुन् सरोज खनाल र गौरी मल्ल ।  'सम्हालिन्छ कहिले मन' नामक चलचित्रको छायांकनको लागि यी भेटेरान अभिनेता र अभिनेत्री  गतसाता बेलायत आइपुगेका छन् । 

 

बेलायतमा चलचित्रको छायांकन सुरु गर्नुअघि शनिबार सांझ खनाल र मल्ल पुगे लण्डन, प्लमस्टिडको गोर्खा क्लबमा । जहां उनीहरुको स्वागतका लागि आतुर बनेर पर्खिरहेका थिए यी दुवै कलाकारका अढाई दशकअघिका सहकर्मी कलाकारहरु मनिषकुमार श्रेष्ठ र विनोद चिपालु । 

 

श्रेष्ठ र चिपालु दुवै झण्डै २० वर्षदेखि बेलायतमा बस्दै आएका छन् । बेलायतमा रहेर समेत विभिन्न चलचित्र, नाटक तथा विभिन्न सांस्कृतिक कार्यक्रमहरुमार्फत नेपाली कला क्षेत्रमा सक्रिय छन् उनीहरु । 

 

बेलायत आउनुपूर्व दर्जनौं नेपाली चलचित्र, टेलिफिल्म, नाटक लगायतमा काम गरेका श्रेष्ठ र चिपालुले अभिनेता खनाल र अभिनेत्री मल्लसंग समेत कैयौंपटक एकै सेटमा काम गर्ने अवसर पाएका थिए । 

 

दर्जनौं नेपाली चलचित्रमा खलपात्रको अभिनयदेखि स्पेसल इफेक्टको जिम्मेवारी निर्वाह गरेका चिपालुसंग अभिनेता सरोज खनालसंगका थुप्रै स्मरणहरु छन् । तपस्या, अरुणिमा, नाता, रगत, कर्मयोद्धा सहितका कैयौं चलचित्रहरुदेखि कोरस, चतुरेको दाउपेच लगायतका टेलिफिल्म र नाटकहरुमा पनि उनले अभिनेता खनालसंगै काम गर्ने अवसर पाएका थिए । 

 

अभिनेत्री गौरी मल्लसंग पनि तपस्या, नाता सहितका कैयौं चलचित्रमा सहकर्मीका रुपमा काम गरेको अनुभव चिपालुसंग छ ।

 

कुनै बेलाका आफ्ना सहकर्मी समेत रहेका नेपाली चलचित्र क्षेत्रका दुई सम्मानित कलाकारहरुलाई २८ वर्षपछि लण्डनमा भेट्न पाउंदा चिपालुमा हर्षको सिमा नै रहेन ।'शब्दमै व्यक्त गर्न नसक्ने खुशी लाग्यो । उहांहरु पनि निकै खुशी हुनुभयो', चिपालुले सुनाए, 'जमानामा एउटै कपको चिया र चिउरा बांडेर खांदै संगै काम गरेको सम्झनाहरु समेत ताजा भएजस्तै लाग्यो ।' 

 

२८ वर्ष अघिको तस्विर (बाँया ) कै पोजमा विनोद चिपालु र सरोज खनाल

 

मनिषकुमार श्रेष्ठले पनि अभिनेता खनाललाई २६ वर्षपछि लण्डनमा भेट्ने मौका पाए । कर्मयोद्धा, आकाश पनि झुक्छ सहितका चलचित्रहरुमा उनीहरुले संगै अभिनय गरेका थिए । 

 

धेरै वर्षपछि पुराना अग्रज कलाकारहरुलाई आफै सञ्चालक रहेको गोर्खा क्लबमा स्वागत गर्ने अवसर पाएका श्रेष्ठले भने,  'सांच्चीकै भगवान नै भेटेजस्तो खुशी महसुस भयो ।' 

 

आफ्ना पुराना सहकर्मीहरु भेट्दाको खुशी शेयर गर्न अभिनेत्री मल्ल र अभिनेता खनालले पनि  कञ्जुस्याईं गरेनन् । 'आज निकै मिठो संजोग बन्यो । पुराना सम्झनाहरु ताजा भए;, अभिनेत्री गौरी भन्दै थिइन्, 'धेरै वर्षपछि एकअर्कासंग भेट हुंदा पीडासंगै धेरै खुशीको पनि अनुभुति हुंदोरहेछ ।' 

 

अभिनेता खनाल भने विगतमा श्रेष्ठ र चिपालु संगसंगै काम गर्दाका दिनहरु सम्झिंदै भावुक नै बने । 'विगतमा नुन र चिउरा खांदै नेपाली फिल्म क्षेत्रमा मैले संघर्ष गर्दाका मेरा साथी र साक्षी हुनुहुन्छ  उहांहरु', सरोजले भने, 'आज लण्डनमा उहांहरुबाट यो आत्मीयता पाउनु मेरो लागि सानो खुशीको कुरो होइन । आज यहां पाएको माया जिवनभर सम्झनामा रहिरहनेछ ।' 

 

मनिषकुमार श्रेष्ठ र सरोज खनाल उहिले र अहिले 

 

 


थप समाचार

ग्वार्डीवालाले गरे म्यानचेस्टर सिटीको ८१२ मिलियन युरो खर्च, उपलब्धि बालुवामा पानी बराबर

  • 10 minutes ago
ग्वार्डीवालाले गरे म्यानचेस्टर सिटीको ८१२ मिलियन युरो खर्च, उपलब्धि बालुवामा पानी बराबर

एजेन्सी । यस सिजन च्याम्पियन्स लिग म्यानचेस्टर सिटीले जित्ने अनुमान गरिएको थियो । तर, टोटनहमसँग पराजित भएपछि पेप ग्वार्डीवामाथि प्रश्नहरुको बाणहरु तेर्सिएका छन् ।

‘मेस्सीलाई कसरी रोक्ने हो, थाहा छैन’

  • 23 minutes ago
‘मेस्सीलाई कसरी रोक्ने हो, थाहा छैन’

एजेन्सी । च्याम्पियन्स लिगको सेमिफाइनल खेलमा बार्सिलोना र लिभरपुल आमने सामने गर्दैछन् । घरेलु लिग लिडर रहेका दुवै टोलीलाई च्याम्पियन्स लिगको दाबेदार मानिएको छ ।

शेयर बजारमा भिआईपी : सभामुख र उर्जामन्त्रीले हाले डेढ-डेढ लाखकाे आवेदन

  • 24 minutes ago
शेयर बजारमा भिआईपी : सभामुख र उर्जामन्त्रीले हाले डेढ-डेढ लाखकाे आवेदन

काठमाडौँ । सरकारले नेपाली जनतालाई जलविद्युत् आयोजनाको शेयरधनी बनाई आर्थिक समृद्धिको मार्गमा अगाडि बढाउने लक्ष्यका साथ सुरु भएको जनताको जलविद्युत कार्यक्रममा उत्साहपूर्ण सहभागिता हुने क्रम बढ्दै गएको



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

तनाव भन्ने कुरा लिनै छोडिदिनुस्, नत्र लाग्ला यस्ता गम्भीर रोग

तनाव भन्ने कुरा लिनै छोडिदिनुस्, नत्र लाग्ला यस्ता गम्भीर रोग

तनाबले मानिसलाई शारिरीक र मानसिक रुपमा कमजोर बनाउने काम गर्छ । जसका कारण मानिसलाई विभिन्न रोगहरु लाग्नसक्छ । तनाब मुख्य दुई प्रकारका हुने गर्छन्, यूस्ट्रेस र डिस्ट्रेस ।

विचित्र विश्व

वाइन कण्डमबारे थाहा पाउनु भएको छ ?

वाइन कण्डमबारे थाहा पाउनु भएको छ ?

एजेन्सी । कण्डम भन्ने वित्तिकै झट्ट याद आउने विष हो– सेक्स । कण्डमलाई परिवार नियोजनको भरपर्दो साधनको रुपमा अथ्र्याइन्छ । तर, अब शारीरिक सम्पर्कका बेला मात्रै होइन पेय पदार्थ वियरको सुरक्षाको लागि पनि कण्डम प्रयोग हुन थालेको छ ।