एकसाथ सुरु गरियो बर्मिङहमका ३ ठाउँमा नेपाली कक्षा
- सोमबार, २८ माघ, २०७५
- 6 months ago
- युके
लण्डन । बेलायतको मिडल्याण्डअन्तर्गत बर्मिङहमका विभिन्न ३ स्थानमा स्थानीय नेपाली बालबालिकाको लागि आइतबारदेखि एकसाथ नेपाली कक्षा सुरु गरिएको छ ।
स्थानीय शान्ति नेपाली समाजको संयोजनमा बर्मिङहमबासी सबै नेपाली परिवारका बालबालिकालाई समेट्ने गरी वेस्ट बर्मिच, यार्डली र किंग स्ट्याण्डिंगमा नेपाली कक्षा सञ्चालनमा ल्याइएको हो ।
आइतबार वसन्त पञ्चमीको शुभ साइत पारेर तीन वटै स्थानमा स्थानीय बालबालिका र अभिभावकहरुको सहभागितामा सरस्वति पूजा गरी नेपाली कक्षा औपचारिक रुपमा सुरु गरिएको शान्ति नेपाली समाजका सचिव प्रबिन खरालले जानकारी दिए ।
कक्षा शुभारम्भकै दिन कुल १ सय बढि बालबालिकाहरु सहभागी बनेको सचिव खरालले बताए । वेस्ट बर्मिचमा ६२, यार्डलीमा १६ र किंग स्ट्याण्डिंगमा ३५ बालबालिका कक्षामा सहभागी बनेका थिए ।
नेपाली कक्षाका विषयमा बर्मिङहमका सबै क्षेत्रमा बस्ने नेपालीहरुलाई सुचना पठाइसकेको समाजले कक्षामा सहभागी हुने बालबालिकाको संख्या अझै बढ्ने अपेक्षा गरेको छ ।
अबदेखि हरेक साताको आइतबारका दिन तीन वटै क्षेत्रमा डेढ घण्टा नेपाली कक्षा सञ्चालन हुनेछन् । यी कक्षामा ६ वर्षमाथिका बालबालिकाहरु सहभागी हुनेछन् ।पहिलो चरणमा आउंदो ६ महिनासम्म कक्षा सञ्चालन गर्ने समाजको योजना छ ।
समाजका सदस्यहरुमध्येबाटै स्वयमसेवी शिक्षकहरुले नेपाली कक्षाहरु सञ्चालन गर्नेछन् । वेस्ट बर्मिचमा यज्ञ खरेल, चित्र खनाल र सिता खरेल, यार्डलीमा किरण क्षेत्री तथा किंग स्ट्याण्डिंगमा कोपिला अधिकारी र अजन्ता खड्काले स्वयमसेवी शिक्षकको भुमिका निर्वाह गर्नेछन् ।
शान्ति नेपाली समाजका अध्यक्ष लिलाबहादुर थापाले बेलायतमा हुर्किदै गरेका नेपाली बालबालिकाको नेपालसंगको दुरी घटाउने कोशिसस्वरुप नेपाली कक्षाको कार्यक्रम ल्याइएको बताएका छन् ।
थप समाचार
एक होटेलमा आगलागी हुँदा आठको मृत्यु
- 6 hours ago
एजेन्सी । युक्रेनको बन्दरगाह शहर ओडेशामा शनिबार बिहान सबेरै भएको आगलागीमा परी आठ व्यक्तिको मृत्यु हुनको साथै अन्य अन्य १० जना घाइते भएका आपतकालिन सेवा प्रदायक संस्थाले जानकारी दिएको छ ।
कश्मीरमा आंशिक रूपमा टेलिफोन सेवा सुरू
- 6 hours ago
एजेन्सी । भारत प्रशासित कश्मीरमा झण्डै दुई हप्तादेखि बन्द गरिएको फोन सेवालाई आंशिक रूपमा सुरु गरिएको छ । कश्मीर उपत्यकामा अहिले अहिले १७ वटा टेलिफोन एक्सचेन्जमार्फत ‘ल्यान्डलाईन’ सेवा मात्र सञ्चालनमा
अक्षयको ‘मिशन मंगल’ को दोस्रो दिनमा कति कमायो ?
- 6 hours ago
एजेन्सी । अक्षयले पछिल्लो समय जुन फिल्म पनि गरेका छन्, त्यसमा देशभक्ति झल्किएको हुने गर्दछ । उनको फिल्म ‘मिशन मंगल’ विहिबार बाट प्रदर्शनमा आएको छ ।
प्रेम र यौन
महिलाहरुको लागि हस्तमैथुनले कस्तो भूमिका खेल्छ ?
एजेन्सी । यौनको कमि, साथीसँगको नराम्रो सम्बन्ध तथा आत्मविश्वासको कमि जस्ता कुराहरुले महिलाको स्वस्थ्यमा असर पुग्ने देखिन्छ । लाइफस्ट्याल कोच ‘लुक कुटिनो’ का अनुसार एक महिलाले जीवनमा यी तीन चीजको कमि रहेमा राम्रो सोच्न नसक्ने बताउँछन् । यौनको असन्तुष्टीलाई मेटाउने एक मात्र विकल्पको रुपमा हस्तमैथुन रहेको छ । यसै हस्तमैथुन किन महिलाको लागि फाइदाजनक छ भनेर चर्चा गरौं ।
जीवनशैली/स्वास्थ्य
तौल बढेर हैरान हुनुहुन्छ ? एक कप चिया पिएर तौल घटाउनुहोस
एजेन्सी । आफ्नो शरीरको चिन्ता सबै व्यक्तिलाई हुने गर्दछ । हरेक व्यक्ति वजन कम या आफ्नो तौललाई नियन्त्रणमा राख्न चाहन्छन् । बढ्दो वजन धेरै रोगको कारण पनि बन्ने गर्दछ ।
विचित्र विश्व
६ वर्षका बालकले ३ हजारभन्दा बढि पटक ‘पुश अप’ लगाएपछि...
एजेन्सी । रुसका ६ बर्षीय बालक इब्राहिम ल्यानोभले अनौठो रेकर्ड बनाएका छन् । उनले दुई घण्टामा ३२७० ‘पुश अप’ लगाएर नौलो रेकर्ड बनाए । उक्त रेकर्डलाई ‘रशियन बुक अफ’ रेकर्ड्समा सामेल गराइएको छ । यसैगरि उनी सामाजिक सञ्जालमाभाइरल भएका छन् ।
