यी नौ ठूला बैङ्क तथा वित्तीय संस्थाको शेयर कमजोर

  • आइतबार, १७ भदौ, २०७५
  • 10 months ago
  • अर्थ
Education Park

काठमाडौँ । कुनै समय बैङ्क तथा वित्तीय संस्थाको शेयर खरिद गर्नुलाई ठूलो प्रतिष्ठाको विषय मानिन्थ्यो । 

 

सर्वसाधारण घण्टौँ लाइन लागेर भएपनि शेयर खरिद गर्न आतुर हुन्थे । पछिल्लो समय निरन्तर ओरालो लागेको शेयर बजारका कारण ‘क’ वर्गका बैङ्क तथा वित्तीय संस्थाको शेयरसमेत घटेको छ ।

 

 यसबाट पूराना लगानीकर्तालाई समस्यामा पारेको भएपनि नयाँ लगानीकर्तालाई भने अवसर प्रदान गरेको छ । 

 

नेपाल स्टक एक्सचेञ्जकाअनुसार नौ बैङ्क तथा वित्तीय संस्थाको शेयर आधारभूत मूल्यकै हाराहारीमा रहेको छ । शेयर बजारमा लगानी गर्न चाहने नयाँ लगानीकर्ताका लागि यो सुखद समय भएपनि कारोवार गरिरहेका लगानीकर्तालाई भने बजार घटेका कारण समस्या भएको छ ।

 

 घट्दो बजारका कारण ठूला बैङ्ककै शेयर आधारभूत मूल्यकै तहमा आइपुग्दा नयाँ लगानीकर्तालाई लगानीको अवसर प्रदान गरेको छ । 

 

स्टककाअनुसार सेञ्चुरी बैङ्कको प्रतिशेयर मूल्य रु १६९ रहेको छ । गत वर्ष भदौ दोस्रो साता पनि सो बैङ्कको शेयर मूल्य रु २२७ रहेको थियो । यस्तै सिभिल बैङ्कको शेयर पनि घटेको छ । सो बैङ्कको प्रतिशेयर मूल्य रु १४८ रहेको छ । गत वर्ष भदौमा सो बैङ्कको शेयर रु २३० मा खरिद बिक्री भएको थियो । 

 

जनता बैङ्कको शेयर प्रतिकित्ता रु १५३ मा खरिद बिक्री भएको छ । गत बिहिबारको तथ्याङ्क अनुसार सो बैङ्कको शेयर निरन्तर ओरालो लाग्दै गएको छ । गत वर्ष भदौमा सो बैङ्कको शेयर रु २५४ मूल्यमा खरिद बिक्री भएको थियो । 

 

यस्तै मेगा बैङ्क लिमिटेडको शेयर रु १६१ मूल्यमा खरिद बिक्री भएको छ । गत वर्ष रु ४४९ मा कारोवार भएको सो बैङ्कको शेयर निरन्तर ओरालो लागेको छ । 

 

माछापुच्छ्रे बैङ्कको शेयर पनि दोस्रो बजारमा कमजोर देखिएको छ । सो बैङ्कको शेयर गत बिहिबार रु २०४ मा खरिद बिक्री भएको थियो । 

 

गत वर्ष भदौमा समेत सो बैङ्कको शेयर रु ३२७ कारोवार भएको थियो । शेयर बजारमा नेपाल बङ्गलादेश बैङ्क कमजोर देखिएको छ । सो बैङ्कको शेयर रु १९९ मा कारोवार भएको छ । गत वर्ष भदौमा सो बैङ्कको शेयर रु ३३२ मा खरिद बिक्री भएको थियो । एनसिसि बैङ्कको शेयर पनि ओरालो लागेको छ । 

 

सो बैङ्कको शेयर प्रतिकित्ता रु १८० मा बिक्री भएको थियो । गत वर्ष भदौमा रु ३६४ मा खरिद बिक्री भएको थियो । 

 

यस्तै प्रभु बैङ्कको शेयर प्रतिकित्ता रु १८० मा खरिद बिक्री भएको छ । गत वर्ष भदौमा रु ३७० मा कारोबार भएको थियो । 

 

सिटिजन बैङ्कको प्रतिकित्ता शेयर रु २३५, ग्लोबल आइएमइ बैङ्कको रु २९६, लक्ष्मी बैङ्कको रु २३३, बैङ्क अफ काठमाडौँको रु २८९, नेपाल बैङ्क लिमिटेडको रु २८६, एनएमबी बैङ्कको रु ३१६, प्राइम बैङ्कको रु २९५, सनराइज बैङ्कको रु २२०, एनआइसी एसिया बैङ्कको रु ३४० तथा सानिमा बैङ्कको प्रतिकित्ता शेयर रु ३२० मा कारोबार भएको छ । 

 

तीन बैङ्कको शेयर मात्रै बढी 

 

नेपाल स्टक एक्सचेञ्जमा सूचीकृत २७ वाणिज्य बैङ्कमध्ये तीन बैङ्कको शेयर मात्रै रु पाँच सय माथि रहेको छ । स्ट्याण्डर्ड चार्टड बैङ्कको प्रतिकित्ता शेयर रु ७१५ मा कारोबार भएको छ । 

 

गत वर्ष रु दुई हजार २०१ मा कारोवार भएको सो बैङ्कको शेयर मूल्य घट्दै गएको छ । नबिल बैङ्क लिमिटेडको प्रतिकित्ता शेयर रु ९४७ मा कारोबार भइरहेको छ । 

 

गत वर्ष सो बैङ्कको शेयर रु एक हजार ६६५ मा खरिद बिक्री भएको थियो । एभरेष्ट बैङ्क लिमिटेको शेयर मूल्य रु ६५८ रहेको छ । गत वर्ष रु एक हजार २६६ मा कारोवार भएको थियो । नेपाल एसबिआई बैङ्कको शेयर रु ४९३ मा कारोवार भएको छ । 

 

नयाँ लगानीकर्तालाई अवसर 

 

शेयर बजार विश्लेषक प्रकाश तिवारी सुरक्षित लगानी गर्न चाहनेलाई बैङ्क तथा वित्तीय संस्थाको शेयरमा लगानी गर्ने अवसर रहेको बताउँछन् । 

 

चाँडो फाइदा खोज्ने र थोरै लगानी गरेर धेरै नाफा खोज्नेलाई भने वित्तीय क्षेत्रभन्दा अन्य क्षेत्र नै उपयुक्त रहेको उहाँको भनाइ छ । 

 

सामान्यता बैङ्क तथा वित्तीय संस्थाको शेयरमा जोखिम कम हुने भएकाले पनि नागरिकको आर्कषण रहने गर्दछ । ‘वियरिस टे«न्ड’ मा रहेको बजारको प्रभाव सो क्षेत्रमा समेत परेको छ । 

 

विश्लेषक तिवारी ‘क’ वर्गका बैङ्क तथा वित्तीय संस्थाको शेयर आधरभूत मूल्यका हाराहारीमा रहनु नयाँ लगानीकर्ताका लागि अवसर हो भन्छन् । 

 


थप समाचार

युवाको उमेर १८ देखि ३५ वर्षलार्ई राख्न प्रस्ताव

  • 1 hour ago
युवाको उमेर १८ देखि ३५ वर्षलार्ई राख्न प्रस्ताव

काठमाडौँ । सरकारले युवाको उमेर समूह पाँच वर्ष घटाउने प्रस्ताव गरेको छ । राष्ट्रिय युवा परिषद्ले तयार पारेको ‘राष्ट्रिय युवा परिषद् ऐन–२०७२’ को पहिलो संशोधनमा युवाको उमेर १८ देखि ३५ वर्षलार्ई राख्न प्र

बुद्धका मूर्ति तोडिएकामा भिक्षु महासङ्घको विरोध

  • 1 hour ago
बुद्धका मूर्ति तोडिएकामा भिक्षु महासङ्घको विरोध

रुपन्देही । अखिल नेपाल भिक्षु महासङ्घले रुपन्देहीको तिलोत्तमा नगरपालिकाभित्र सिद्धार्थ राजमार्गको शङ्करनगर चोकदेखि नयाँ मिलसम्म सुनियोजित तवरमा एकै पटक पाँच वटा बुद्धमूर्ति तोडफोड भएको घटनाले शान्तिका

भरतपुरमा अजबगजबको नियमः एक वडा एक रङ

  • 1 hour ago
भरतपुरमा अजबगजबको नियमः एक वडा एक रङ

भरतपुर । भरतपुर महानगरपालिकाभित्र एक वडा एक रङ गरिने भएको छ । महानगरपालिकाभित्र रहेका २९ वडामा रङको चयन गरी सबै घरमा सोहीअनुरुप रङरोगन गरिने नीतिगत व्यवस्था गर्न लागिएको हो ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

भुलेर पनि यी ७ चिजहरुसगँ मह नखानुहोस्

भुलेर पनि यी ७ चिजहरुसगँ मह नखानुहोस्

नियमित महको सेवनले हाम्रो स्वास्थमा धेरै फाइदा पुर्याउछ । मानव स्वास्थको लागि बहुउपयोगी मानिन्छ । मह सही तरिकाले खाइएन भने यसले स्वास्थमा नराम्रो असर पनि गर्न सक्छ ।