पर्याप्त समय नसुतेमा के हुन्छ ?

• बुधबार, ८ माघ, २०७६
• 1 month ago
• जीवनशैली/स्वास्थ्य

 

 

 

एजेन्सी । एक अध्ययनका अनुसार, निद्राको सिधा सम्बन्ध हाम्रो इम्यून सिस्टमसँग हुन्छ । नेशनल हेल्थ एन्ड न्यूट्रीशन एक्जामिनेशन द्वारा गरिएको एक सर्वेमा, इम्यून सिस्टमको सक्रियता तपाईँ कति घण्टा सुत्नु हुन्छ त्यसमा निर्भर हुन्छ । यस अध्ययनका लागि अध्ययनकर्ताहरुले २२ हजार ७ सय २६ वयस्क व्यक्तिमाथि सन् २००५ देखि २०१५ सम्म परीक्षण गरेको थियो ।

 

यस अध्ययनबाट जो व्यक्ति कम सुत्छन् उनको इम्यून सिस्टम कमजोर हुन्छ र उनलाई रुघाखोकी, ज्वरो जस्ता रोगले सजिलै समात्ने गरेको पत्ता लागेको छ । त्यतिमात्र नभई निद्रा पुरा भएन भने टाउको दुख्ने, आँखा पोल्ने पनि हुन्छ ।

 

विशेषज्ञहरुका अनुसार, जो व्यक्ति पाँच घण्टाभन्दा कम सुत्ने गर्छन् उनमा रुघाखोकी र ज्वरो लाग्ने सम्भावना २० प्रतिशत सम्म बढी हुन्छ भने ७ घण्टा सम्म सुत्ने व्यक्तिमा संक्रमणको खतरा नगन्य मात्रामा हुन्छ ।

 

साथै तपाईँ कति घण्टा सम्म सुत्नु हुन्छ त्यसले पनि तपाईँको स्वास्थ्यमा प्रभाव पार्छ भन्ने कुरा अध्ययनबाट पत्ता लागेको छ । 

• Sleeping