डेली मिरर पत्रिकालाई ठूलो धक्का, प्रिन्स ह्यारीले मुद्दा जिते

लण्डन । बेलायतका राजा चार्ल्स तृतीयका कान्छो छोरा प्रिन्स ह्यारीले धेरै चर्चामा रहेको मुद्दा जितेका छन् । यसले डेली मिरर पत्रिकालाई ठूलो धक्का दिएको छ ।

अदालतले डेली मिररलाई पनि ठूलो जरिवाना तिर्न आदेश दिएको छ ।

राजकुमार ह्यारीले ‘डेली मिरर’ का प्रकाशक विरुद्ध दायर फोन ह्याकिङको मुद्दा जितेर खुशी व्यक्त गरेका छन् ।

अदालतले उनलाई १ लाख ४० हजार ६ सय ब्रिटिश पाउण्ड अर्थात् करिब १ लाख ७८ हजार डलर क्षतिपूर्ति तिर्न आदेश दिएको छ ।

ह्यारी आफ्नो व्यक्तिगत जीवनसँग सम्बन्धित विभिन्न मुद्दाका कारण लगातार हेडलाइनमा रहन्छन्। ह्यारी (३९)ले मिरर ग्रुप न्यूजपेपर्स (एमजीएन) का तीनवटा पत्रिका ‘मिरर’, ‘सन्डे मिरर’ र ‘पिपल’ मुद्दामा नाम दिएका थिए ।