मेलबर्नमा रक्तदान तथा प्लाज्मादान कार्यक्रम सम्पन्न

सिड्नी । अष्ट्रेलियाको मेलबर्नमा रक्तदान तथा प्लाज्मादान कार्यक्रम सम्पन्न भएको छ । रोयल वेस्टर्न क्लबको आयोजना तथा साउथ इष्ट सकर क्लब, मेलबर्न नेप्लिज कम्युनिटी वेस्ट र न्याभ बाल चौतारी वेस्टको सहयोगमा रक्तदान कार्यक्रम सम्पन्न भएको हो ।

तीन दिनसम्म चलेको कार्यक्रममा ४० जनाको सहभागीता रहेको थियो । उनीहरूमध्ये १९ जनाले रक्तदान र २१ जनाले प्लाज्मा दान गरेका थिए।

सन् २०२१ को जनवरीमा रोयल वेस्टर्न्स क्लब अन्तर्गत अस्ट्रेलियन रेडक्रस लाइफ ब्लडमा दर्ता भएको रोयल वेस्टर्न्स क्लब लाइफ ब्लड टिममा हालसम्म १४७ जना रक्तदाताहरू सदस्य छन् । उक्त टिमका सदस्यहरुले अहिलेसम्म ३१९ पटक रक्तदान गरिसकेका छन् ।

नेपाली समुदायमा नियमित रक्तदान गर्दै आएका रक्तदाता डा. सन्देश पन्थले हालसम्म १८७, रोशन उपाध्यायले ८० पटक रक्तदान गरिसकेका छन् ।