एजेन्सी । बलिउडमा ‘द केरला स्टोरी’को कमाइको गति रोकिने नाम लिइरहेको छैन । फिल्म रिलिजको आज १७ औं दिन हो ।
तर, यो फिल्मको चर्चा भने जारी छ ।
मे ५ मा सिनेमाघरमा रिलिज भएको ‘द केरला स्टोरी’को सुरुवात हेरेपछि यो फिल्मले यति लामो यात्रा गर्नेछ भन्ने कसैले सोचेका थिएनन् ।
यस फिल्मले बक्स अफिसमा धमाकेदार कमाई गरिरहेको छ ।
तेस्रो शनिबार ‘द केरला स्टोरी’को कमाईमा फेरि एकपटक उछाल आएको छ । एक रिपोर्टका अनुसार ‘द केरला स्टोरी’ ले १६ औं दिन ९ करोडको व्यापार गरेको छ ।
मात्र ४० करोडमा बनेको यो फिल्मले फिल्मको बजेटभन्दा तेब्बर नाफा कमाएको छ ।
फिल्मले हालसम्म १८७.३२ करोड कमाउन सफल भएको छ ।
