मेक्सिकोमा एउटा यात्रुवाहक बस दुर्घटना हुँदा १७ जनाको मृत्यु

एजेन्सी । मेक्सिकोमा एउटा यात्रुवाहक बस दुर्घटना हुँदा १७ जनाको ज्यान गएको छ । बसमा ६ भारतीयसहित ४० यात्रु सवार थिए । यस घटनामा अन्य २२ जना घाइते भएका छन् । यद्यपी उनीहरुको अवस्था स्थिर रहेको बताइएको छ । बस खाडलमा खसेको मिडिया रिपोर्टमा उल्लेख छ ।

नागरिक रक्षा सचिव जर्ज बेनिटो रोड्रिगेजले उद्धार कार्यमा कठिनाइ भइरहेको बताए। खाडल लगभग ५० मिटर (१६४ फिट) गहिरो रहेको बताइएको छ । मृत्यु हुनेमा १४ जना वयस्क र तीन बालबालिका रहेका छन् । बसमा ४० जना यात्रु सवार थिए । सबैजना तिजुआना जाँदै थिए। दुर्घटनाको कारण भने अझै खुल्न सकेको छैन ।

बस राज्यको राजधानीबाहिर राजमार्गमा रहेको ब्यारान्का ब्लान्का नजिकै दुर्घटना भएको अधिकारीहरूले बताएका छन्।