जबरजस्ती करणी आरोपमा युवा संघ बेलबारीका अध्यक्ष पक्राउ

काठमाडौँ । बलात्कारको आरोपमा नेकपा (एमाले)को भातृ संगठन राष्ट्रिय युवा संघ, नेपाल बेलबारी नगर कमिटी अध्यक्ष काशीराज तामाङ पक्राउ परेका छन् ।

मोरङको बेलबारी नगरपालिका–१० घर भएका ३४ वर्षीय तामाङलाई प्रहरीले बिहीबार पक्राउ गरेको हो ।

एक २० वर्षीया युवतीले किटानी जाहेरी दिएपछि पक्राउ गरिएको प्रहरीले जनाएको छ ।

युवतीले दिएको जाहेरीमा असार २ गते बलात्कार गरेको भन्ने उल्लेख छ । तामाङविरुद्ध साउन २४ गते किटानी जाहेरी परेको थियो ।

पोललाइट रेस्टुरेन्टमा सञ्चालक समेत रहेका तामाङले सोही रेष्टुरेन्टमा बोलाएर बलात्कार गरेको उजुरीमा उल्लेख छ ।