काठमाडौँ । राष्ट्रपति रामचन्द्र पौडेलले गौरा पर्वको शुभकामना दिएका छन्। गौरा पर्व भाद्र शुक्ल पञ्चमीदेखि अष्टमीसम्म नेपालको सुदूरपश्चिम क्षेत्रमा विशेष रूपले मनाइँदै आएको छ। सो पर्वका अवसरमा शुभकामना सन्देश दिँदै राष्ट्रपति पौडेलले नेपाली मौलिक संस्कृतिको संरक्षणमा थप योगदान गर्दै आपसी समझदारी, दिगो शान्ति एवं भाइचाराको भावनाका साथै बृहत् राष्ट्रिय एकताको सोच अभिवृद्धि गर्न गौरा पर्वले प्रेरणा प्रदान गर्ने उल्लेख गरेका छन्।
गौरा पर्वमा शिव र पार्वतीको आराधनासहित व्रत बस्ने गरिन्छ। पर्व मनाउने क्रममा गोलबद्ध भई लोक भाषामा देउडा, धमारी र चैतको माध्यमबाट एकअर्काको दुःखसुख बाँडिन्छ।
त्यसै गरी उपराष्ट्रपति रामसहायप्रसाद यादवले परापूर्वकालदेखि धुमधामका साथ मनाइँदै आएको धार्मिक, सांस्कृतिक एवं परम्परागत गौरा पर्वको उपलक्ष्यमा सुस्वास्थ्य, सुख, शान्ति, समृद्धि र उत्तरोत्तर प्रगतिको शुभकामना व्यक्त गरेका छन्। उनले विविधतामा एकता मौलिक राष्ट्रिय पहिचान भएको र यस प्रकारको पर्वको धार्मिक, सांस्कृति र ऐतिहासिक महìवलाई सबैले आत्मसात गर्दै संवर्धन र संरक्षणको दायित्व निर्वाह गर्नुपर्ने बताए ।
