सङ्खुवासभामा पहिरोमा पुरिएर सासूबुहारीको मृत्यु, एक गम्भीर घाइते

काठमाडौँ । सङ्खुवासभामा पहिरोमा पुरिएर सासूबुहारीको मृत्यु भएको छ भने एक गम्भीर घाइते भएका छन् । सङ्खुवासभाको सिलिचोङ गाउँपालिका– १ सिसुवाखोलामा पहिरोमा पुरिएर एकै परिवारका दुई जनाको मृत्यु भएको हो ।

पहिरोमा परी ५५ वर्षीया मोतिमाया राई र २५ वर्षीया समीक्षा राईको मृत्यु भएको सिलिचोङ गाउँपालिका अध्यक्ष भूपालराज मेहवाहाङले जानकारी दिए ।

पहिरोसँगै खसेको विशाल ढुङ्गाले किचेर ५५ वर्षीया मोतिमाया र उनकी बुहारी समीक्षाको मृत्यु भएको गाउँपालिका अध्यक्ष मेवाहाङले बताए । ढुङ्गाले किचेर २९ वर्षीया रविना राई गम्भीर घाइते भएकी छन् ।

उनलाई उपचारका लागि नेपाली सेनाको हेलिकप्टरमार्फत काठमाडौँ ल्याउन तयारी भइरहेको छ ।