स्कटल्याण्डमा खालिस्तानीहरुले भारतीय उच्चायुक्तलाई दुव्र्यहार गरेको आरोप

एजेन्सी । बेलायतको स्कटल्याण्डमा भारतीय उच्चायुक्त विक्रम दोराईस्वामीसँग दुर्व्यवहारको घटना बाहिर आएको छ । मिडिया रिपोर्टका अनुसार भारतीय उच्चायुक्त विक्रम दोराईस्वामीलाई खालिस्तानीहरूले गुरुद्वारा जानबाट रोकेका थिए।

विक्रम दोराईस्वामी गुरुद्वारा कमिटीको निमन्त्रणामा लङ्गार कार्यक्रममा सहभागी हुन आएका थिए तर उनको गाडी गुरुद्वाराको मुख्य गेटमा पुगेपछि ३–४ कट्टरपन्थी सिखले उनलाई गुरुद्वारा प्रवेश गर्नबाट रोकेर नाराबाजी गर्न थाले ।

गुरुद्वारामा लंगरको तयारी पूरा भएको र हलमा टेबुल आदि पनि राखिएको समाचारमा जनाइएको छ । तर भारतीय उच्चायुक्त त्यहाँ पुग्नेबित्तिकै केही सिख कट्टरपन्थीले उनीमाथि दुर्व्यवहार गरेका थिए।

सिख कट्टरपन्थीहरूले भारतीय उच्चायुक्तको कारको ढोका पनि तानेको बताइएको छ ।

केही समयमै भारतीय उच्चायुक्त विक्रम दुरैस्वामीले आफ्नो चालकलाई त्यहाँबाट जान आदेश दिएको र उनी कार्यक्रममा उपस्थित नभई गुरुद्वाराको गेटबाट फर्किएको बताइएको छ ।