डिसेम्बर १६ मा ईलमपोखरी समाज यूकेको ल्होछार पार्टी

लण्डन। ईलमपोखरी समाज यूकेले आगामी १६ डिसेम्बर २०२३ मा ल्होछार पार्टी आयोजना गर्ने भएको छ।

पुरानो बर्ग हें/हिं ल्होको बिदाइ तथा नयाँ बर्ग मुप्रि ल्होको आगमनको पावन अवसरमा समाजले फानबोरो स्यामुयल कोडी स्पेसलिस्ट स्पोर्ट्सको मैदानमा ‘ल्होछार पार्टी– २०२३’ गर्न लागेको अध्यक्ष परशु गुरुङले जानकारी दिए। उनका अनुसार कार्यक्रममा नेपालबाट आएकी चर्चित लोक तथा दोहोरी गायिका कालिका रोका मगर तथा स्थानीय कलाकारहरुको बेजोड प्रस्तुति रहने छ। साथै भाग्योदय चिट्ठा पनि हुनेछ।

अध्यक्ष गुरुङले कार्यक्रममा उपस्थितिका लागि पूर्वी लमजुङका सेरोफेरोका सम्पूर्ण ईष्टमित्रहरु साथै चेली, ज्वाइँ भान्जाभान्जीहरु र अन्य मित्रहरुलाई चुले निम्तो दिएका छन्।