तमु धीं लण्डन इकाइले ल्होछार र वार्षिकोत्व मनाउँदै

लण्डन । तमु धीं लण्डन इकाइले तमुहरुको महान् पर्व ल्होछारको आयोजना गर्ने भएको छ । जनवरी ७ मा ग्रिनफोर्ड टाउन हलमा मुप्री ल्हो अर्थात् गिद्ध वर्गको आगमनसँगै ल्होछार तथा लण्डन इकाइको १६ औं वार्षिकोत्व भब्यरुपमा मनाउन लागेको हो ।

कार्यक्रममा ‘मौलिक परम्परा, संस्कृति र झल्किने गरी मनाउन लागिएको इकाइका महासचिव रक गुरुङले जानकारी दिए । कार्यक्रममा तमु धीं यूकेको निम्तोमा नेपालबाट आएका कलाकार नेपाल आइडल सिजन तिनका टप नाइन ममता गुरुङ, विभिन्न गुरुड गीत गाइसकेका सरुन गुरुङको प्रस्तुति रहने छ ।

अतिथि कलाकारमा प्रत्यक्ष लोकदोहोरीका चर्चित निर्जला गुरुङ र सविन गुरुङको पनि बेजोड प्रस्तुति रहने महासचिव रक गुरुङले बताए । संस्थाका अध्यक्ष भरत गुरुङले कार्यक्रममा सहभागिता जनाउन सम्पूर्णमा आग्रह गरेका छन् ।