चिनकाजी श्रेष्ठको दाबीः जनताको मन जितेको छु, चुनाव जित्न गाह्रो छैन

गोरखा, कात्तिक २८ । लोकतान्त्रिक गठबन्धनका उम्मेदवार काँग्रेस नेता चिनकाजी श्रेष्ठले गोर्खाली जनताको मन जितिसकेकाले चुनाव जित्न गाह्रो नहुने बताएका छन् । प्रतिनिधिसभा तर्फ गोरखा क्षेत्र नम्बर १ बाट उम्मेदवारी दिएका श्रेष्ठले जनता आफ्नो पक्षमा रहेकाले आफूले जित्ने दावी गरेका छन् । नेपालीपत्रसंगको कुराकानीमा उम्मेदवार श्रेष्ठ भन्छन्, ‘गोरखामा म नयाँ अनुहार होइन, प्रत्येक मतदाताले मलाई चिनेका छन्, अरु जस्तो टुरिष्ट उम्मेदवार पनि म होइन त्यसैले मलाई चुनाव जित्न गाह्रो छैन ।’

 

राष्ट्रिय राजनीति बलियो पकड बनाएका श्रेष्ठले पञ्चायत कालदेखि नै गोर्खाली जनताको पक्षमा लडाई गर्दै आएको र जनताको लागि धेरै जेलनेल समेत ब्यहोरेको समेत बताएका छन् । संविधान निर्माणका क्रममा पार्टीका तर्फबाट महत्वपूर्ण भुमिका निर्वाह गरेको दावी गर्दै उनले संविधानको सफल कार्यान्वयनका लागि पनि आफुले जित्नु पर्ने दाबी गर्छन । ‘संविधान बनाउन मैले ब्यक्तिगत र पार्टीको तर्फबाट धेरै काम गरेको छु, त्यसलाई पूरा गर्न र संविधानको कार्यान्वयनका लागि पनि पार्टीले मलाई जिम्मेवारी दिएर पठाएको छ’ श्रेष्ठले भने ।

 

नेपाली काँग्रेसका मुख्य सचेतक समेत भइसकेका श्रेष्ठले नेपाली जनताले काँग्रेसलाई बहुमतले जिताउने ठोकुवा गरेका छन् । पञ्चायत कालदेखि आजसम्म देशमा आएका परिर्वतन र उपलब्धी सबै काँग्रेस कै नेतृत्वमा भएको दावी गर्दै उनले त्यसको रक्षाका लागि पनि जनता काँग्रेसलाई जिताउन आतुर रहेको बताए । काँग्रेसले जम्मा गरेको राष्ट्रिय ढुकुटी अन्य दलले मोजमस्ती र भ्रमण गरेर सिध्याउने गरेको उनको आरोप छ । ‘काँग्रेसले दुख गरेर राष्ट्रिय ढुकुटीमा पैसा जम्मा गर्छ अनि अर्को दलले सरकारमा आएपछि सबै बाँडेर, भ्रमण गरेर सिध्याउछन्’ श्रेष्ठले नेपालीपत्रसंग भने ‘यसलाई जनताले बुझेका छन्, आम्दानी चाहीँ गर्न नसक्ने अनि खर्च गर्न सिकाउनै नपर्ने ।’

 

जिल्लाको विकासको लागि केन्द्रिय तहमा रहेर योजना निर्माण देखि बजेट बाँडफाँडमा पनि आफू सक्रिय रुपमा सहभागी भएको भन्दै उनले जनताले उक्त कार्यको मूल्याङ्कन गर्ने बेला आएको बताए । ‘म पहिलाको क्षेत्र नम्बर ३ मा दुइ पटक सांसद भए, त्यहाँ गएर सोध्नुस् चिनकाजीले के ग¥या छैन ?’ उनले प्रश्न गरे ‘ जिल्लाको उत्तरी भेगलाई सडक सञ्जालमा जोड्न बिभिन्न देशी बिदेशी निकायसंग पहल मैले नै गरेको हुँ जुन बन्दै गरेको लोकमार्ग छ यसको पहल गर्ने को हो भनेर खोज्नुस न, छर्लङ्गै छ नि ।’
बुढिगण्डकी प्रभावितहरुको हरेक आन्दोलन र मागमा आफुले साथ दिदै आएको भन्दै उनले सरकारले यस क्षेत्रमा प्रभावितहरुको पक्षमा गर्ने गरेका हरेक निर्णयमा आफ्नो मुख्य भुमिका रहेकोे दावी गरे ।

 

‘ल हेर्नुस्, बुढिगण्डकी प्रभावितको हरेक आन्दोलनमा म जनताकै पक्षमा छु, आन्दोलनका हरेक माग सम्बोधन गराउन सुरुदेखि नै मै खटिएको छु ।’ उनी केही अघि मात्र आफ्नो प्रचारप्रसारको काम छोडेर आन्दोलनरत बुढी गण्डकी प्रभावितको मागलाई संबोधन गराउन उर्जा मन्त्रालय पुगेका थिए । पिडितका तर्फबाट उर्जामन्त्री कमल थापालाई ज्ञापनपत्र बुझाउँदै तोकिएको ठाउँको मुआब्जा वितरण बाँकी स्थानको यथाशिघ्र तोक्ने सरकारको ध्यानाकर्षण गराएका थिए । सोही अनुरुप सोमबार आयोजना प्रभावितहरुलाई मुआब्जा वितरण गर्न ३१ अर्ब रकम निकासा भईसकेको श्रेष्ठले दाबी गरको छन् । सोमबार बसेको मन्त्रिपरिषद्को बैठकले अघिल्लो सरकारले गरेको चाईनाको गेजुवा कम्पनीलाई दिने विवादित निर्णय पनि खारेज भईसकेको छ ।



Your Comment

थप समाचार

बुद्ध फाउण्डेसनले आइतबार वीलवीचमा बुद्धसम्बन्धी प्रवचन आयोजना गर्दै

  • 4 hours ago
बुद्ध फाउण्डेसनले आइतबार वीलवीचमा बुद्धसम्बन्धी प्रवचन आयोजना गर्दै

लण्डन । बुद्ध फाउण्डेसन यूकेले लण्डनमा बुद्धसम्बन्धी एक प्रवचन कार्यक्रम आयोजना गर्ने भएको छ । त्यस अवसरमा विद्याधर आचार्य महायोगी श्रीधर राणा रिम्पोचेले प्रवचन दिनेछन् ।

बेलायतमा भिसा नभएका आप्रवासीहरुको रामकहानी

  • 4 hours ago
बेलायतमा भिसा नभएका आप्रवासीहरुको रामकहानी

अस्पतालमा प्रवेशाज्ञा देखाउन नसक्दा एउटा गर्भवति महिलाले करिब ५५ सय देखि ६ हजार पाउण्ड सम्मको बिल तिर्नुपर्ने बाध्यता छ । कति महिलाहरु पैसा तिर्ने डरले जोखिम मोलेरै भएपनि घरमै सुत्केरी भएका घट्ना पनि

समानुपातिकतर्फ प्रदेशसभामा चितवनबाट को–को भए निर्वाचित ?

  • 7 hours ago
समानुपातिकतर्फ प्रदेशसभामा चितवनबाट को–को भए निर्वाचित ?

काठमाण्डौ, माघ ४ । निर्वाचन आयोगले गत मङ्सिर २० र २१ गते सम्पन्न प्रदेशसभा सदस्य निर्वाचनको समानुपातकितर्फको विजयी उम्मेदवारको सूचीमा चितवनबाट ७ ज


Loading...

भिडियो

hamropatro

नेपाल

साँफे-मार्तडी राजमार्ग तीन दिन बन्द

साँफे-मार्तडी राजमार्ग तीन दिन बन्द

बाजुरा, माघ ४ । साँफे–मार्तडी राजमार्ग अन्तर्गतको बूढीगंगा नगरपालिका–१, अम्कोटेमा रहेको सडकखण्ड आजदेखि तीन दिनका लागि सडक बन्द हुने भएको छ । 

जीवनशैली

उनले तपार्इंलार्इ मन पराउछिन कि पराउदिनन् ? यस्ता छन् पत्ता लगाउने १० सुत्र

उनले तपार्इंलार्इ मन पराउछिन कि पराउदिनन् ? यस्ता छन् पत्ता लगाउने १० सुत्र

काठमाडाैं । धेरैजसो पुरुषहरु महिलाको भावना बुझ्न निकै कठिन हुने बताउँछन् । यसो हुँदा हुँदै पनि माया प्रेममा रहेकाहरु भने एकअर्का प्रति नजिक हुन विभिन्न लक्षण र प्रतिक्रियाहरु व्यक्त गर्ने गर्छन ।