Techie IT
२०८० चैत्र ६, मंगलबार
NepaliPatra logo
गृहपृष्ठनेपालराजनीतिक हस्तक्षेप दोहोरिए त्रिवि सुधार्न सकिँदैन: उपकुलपति बराल

राजनीतिक हस्तक्षेप दोहोरिए त्रिवि सुधार्न सकिँदैन: उपकुलपति बराल


काठमाडौँ । त्रिभुवन विश्वविद्यालयका नवनियुक्त उपकुलपति प्रा.डा. केशरजंग बरालले राजनीतिक हस्तक्षेप भएमा प्राज्ञिक क्षेत्रलाई सुधार्न नसकिने बताएका छन् ।

शुक्रबार प्रधानमन्त्री तथा मन्त्रिपरिषद्को कार्यालय सिंहदरबारमा उपकुलपति पदको नियुक्ति लिएपछि पत्रकारसँग बोल्दै उनले प्राज्ञिक क्षेत्र सुधार्ने हो भने राजनीतिक हस्तक्षेप नगर्न सरोकारवालाको ध्यानाकर्षण गरेका हुन् ।

विश्वविद्यालयको पदाधिकारी नियुक्तिमा राजनीतिक भागबन्डा गरिएमा त्रिविको सुधार सम्भव नहुने उनले बताए। उपकुलपतिको मात्रै बलले विश्वविद्यालयमा सुधार गर्न नसकिने बताएका छन्। उनले त्यसका लागि दलहरूकै सहयोग आवश्यक हुने पनि उनले जानकारी दिए ।

‘उपकुलपतिसहितका सबै पदमा व्यवस्थापकीय क्षमता हेरेर नियुक्ति गरिनुपर्छ भन्ने मेरो मान्यता हो। पार्टीहरूले भीसीसहितका पदमा भागबन्डा गरेर पठाउने प्रवृत्ति बन्द हुनुपर्छ,’ उनले भने, ‘मेरो कुरा के हो भने मेरो आफ्नो टीम म आफैँले गठन गर्न पाउनुपर्छ। मैले नियुक्तिपत्र लिँदै गर्दा पनि प्रधानमन्त्रीलाई मेरो टीम म आफैँ बनाउन पाउँछु भने मात्रै काम गर्छु भनेको छु ।’

उनले अब त्रिविमा रजिष्ट्रार र रेक्टर पनि राजनीतिक भागबन्डाबाट भन्दा योग्य व्यक्ति नियुक्त गरिनुपर्ने अडान लिएका छन्। यदि त्यसो भएमा मात्रै त्रिवि सुधार गर्न सकिने सुनाए ।

उनले उपकुलपतिको अनुकुलमा काम गर्ने व्यक्तिहरू अन्य पदमा चाहिने बताएका छन्। उनले परीक्षा प्रणाली र एकाडेमिक क्यालेन्डर कार्यान्वयन गरेर शैक्षिक कार्यक्रमलाई विद्यार्थीले विश्वास गर्ने बनाउने पनि वाचा गरे ।

बरालले अब अरु पदमा पनि उपकुलपतिलाई सहयोग गर्ने क्षमतावान व्यक्ति दिनुपर्ने माग प्रधानमन्त्रीसँग आफूले गरेको पनि बताए। यसअघि आफूले राजनीतिक दबाब आउँदा पनि काम नगरिदिएको बताउँदै त्यहीकारण प्रधानमन्त्रीले विश्वास गरेर त्रिविको उपकुलपति बनाएको जानकारी दिए ।

‘म पोखरा विश्वविद्यालयमा पनि दलको हस्क्षेप हुँदैन भनेर मात्रै काम गरेको थिएँ। अहिले त्रिविमा पनि मैले राजनीतिक हस्तक्षेप नहोस् भनेको छु । म राजनीतिक रुपमा कतै लाग्दिनँ भनेको छु। प्रधानमन्त्रीले मलाई तपाईंको त्यही कुरा मन परेको हो भन्नुभयो’, उनले भने, ‘विश्वविद्यालयलाई सुधार गर्न प्रमुख राजनीतिक दलको सहयोग चाहिन्छ,’उनले भने,‘उपकुलपति विश्वविद्यालयको हाकिम होइन, म्यानेजर हो। भीसीले व्यवस्थापन क्षमता देखाएर विश्वविद्यालय सुधार गर्नु पर्छ ।’

बरालले कुनै दलमा विश्वास र आस्था राख्न पाइने तर विश्वविद्यालयको नेतृत्वमा आउने मान्छेले राजनीतिक पक्षधरता देखाउँदा समस्या हुने बताए । बरालले उपकुलपति जति राम्रो र सक्षम भए पनि एक्लैले विश्वविद्यालय सुधार सम्भव नहुने बताए। आफूले काम गरेको पोखरा विश्वविद्यालयमा राजनीतिक भागबन्डा गरेकाले उनीहरू दलतिरै उत्तरदायी भएको बताए । बरालले कुनै दलमा विश्वास र आस्था राख्न पाइने तर विश्वविद्यालयको नेतृत्वमा आउने मान्छेले राजनीतिक पक्षधरता देखाउँदा समस्या हुने बताए । बरालले उपकुलपति जति राम्रो र सक्षम भए पनि एक्लैले विश्वविद्यालय सुधार सम्भव नहुने बताए। आफूले काम गरेको पोखरा विश्वविद्यालयमा राजनीतिक भागबन्डा गरेकाले उनीहरू दलतिरै उत्तरदायी भएको बताए ।

बरालले राजनीतिक दलहरूसँगै उनीहरूका भ्रातृ संगठनका रुपमा विद्यार्थी नेताहरूको हस्तक्षेप पनि आफूले नस्वीकार्ने बताएका छन्। उनले वातावरण मिलेमा त्रिविको शिक्षाको अवस्थामा सुधार गर्ने बताए। त्रिविले गुमाउँदै गएको साख र विश्वास फर्काउन आफूले अबको चार वर्षमा काम गर्ने बताए ।

उनले विश्वविद्यालयको परीक्षा समयमा गराउने, नतिजा समयमा निकाल्ने, शैक्षिक वातावरणमा सुधार ल्याउने, समयअनुसार पाठ्यक्रम फेर्दै जाने र शैक्षिक क्यालेन्डर लागू गर्ने योजना पनि सञ्चारकर्मीलाई सुनाए । उनले आफूलाई लागेको कुनै पार्टीनिकटको ट्यागबारे बचाउ गरे ।

उनले बजारको मागअनुसारको पाठ्यक्रम त्रिविले पछिल्लो समय बनाउन नसकेको बताएका छन्। त्रिवि अहिले पनि नेपालको उच्च शिक्षामा अब्बल भए पनि अब यसको साख जोगाउनुपर्ने चुनौती रहेको उल्लेख गरे ।

खुला प्रतिष्पर्धाबाट छनोट भएर उपकुलपति बनेका उनी पनि माओवादीनिकट मानिन्छन् । तर आफू कुनै पनि दलको पछि लागेर, झन्डा बोकेर नहिँडेको उनले बताए । ‘मैले अहिलेसम्म कुनै दलको झन्डा बोकेर हिँडेको छैन। कुनै पनि दलको राजनीतिक कार्यक्रममा भाग लिएको छैन’, उनले शुक्रबार सिंहदरबारमा सञ्चारकर्मीसँग भने, ‘मैले अहिलेसम्म जानेको प्राज्ञिक काम हो। तर कुनै एक दलमा आस्था राख्न त पाइएला नि ! ’




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

सर्लाहीमा पेस्तोलसहित दुई भारतीय ‘मस्ट वान्टेड अपराधी’ पक्राउ

काठमाडौँ । सर्लाही प्रहरीले दुई भारतीय ‘मस्ट वान्टेड अपराधी’ लाई पेस्तोल र गोलीसहित नियन्त्रणमा लिएको छ । विशेष सूचनाका आधारमा

संसदमा उठेका प्रश्नको जवाफ दिँदै प्रधानमन्त्री (लाइभ)

काठमाडौँ । प्रतिनिधिसभाको बैठक जारी छ । जारी बैठकमा प्रधानमन्त्री पुष्पकमल दाहाल प्रचण्डसँग प्रत्यक्ष प्रश्नोत्तर कार्यक्रम छ । सभामुखले हरेक

महरालाई ४ दिन हिरासतमा राख्न अदालतको अनुमति

काठमाडौँ । सुन तस्करी प्रकरणमा पक्राउ परेका पूर्वसभामुख एवं माओवादी नेता कृष्णबहादुर महरालाई ४ दिन हिरासतमा राख्न काठमाडौँ जिल्ला अदालतले

दुर्गा प्रसाईँका बडीगार्ड सर्वोच्च अदालतबाट हतियारसहित पक्राउ

काठमाडौँ । दुर्गा प्रसाईँका बडीगार्ड सर्वोच्च अदालत भित्रबाट हतियारसहित पक्राउ परेका छन् । सोमबार दिउँसो सर्वोच्च अदालतभित्र हतियार लिएर प्रवेश

नवनियुक्त भौतिक पूर्वाधार मन्त्री मनाङेले लिए शपथ

पोखरा । गण्डकी प्रदेशका नवनियुक्त मन्त्री राजीव गुरुङ उर्फ दीपक मनाङेले शपथ लिएका छन् । सोमबार उनलाई प्रदेश प्रमुख डिल्लीराज

महरालाई सरकारी वकिल कार्यालय उपस्थित गराइयो

काठमाडौँ । सुन तस्करी प्रकरणमा पक्राउ परेका पूर्व सभामुख एवं माओवादी उपाध्यक्ष कृष्णबहादुर महरालाई सरकारी वकिलको कार्यालयमा उपस्थित गराइएको छ

Techie IT