राष्ट्रिय सभा सदस्यको भागबन्डाका लागि कांग्रेस–माओवादीबीच आज पनि छलफल

काठमाडौँ । राष्ट्रिय सभा सदस्यको भागबन्डाका लागि नेपाली कांग्रेस र नेकपा माओवादी केन्द्रले आज पनि छलफल गरेका छन् ।

प्रधानमन्त्री निवास बालुवाटारमा भइरहेको छलफलमा प्रधानमन्त्री समेत रहेका माओवादी केन्द्रका अध्यक्ष पुष्पकमल दाहाल प्रचण्डसहित कांग्रेस सभापति शेरबहादुर देउवा, उपसभापति पूर्णबहादुर खड्का, महामन्त्री गगनकुमार थापा, प्रमुख सचेतक रमेश लेखक सहभागी छन् ।

मंगलबार पनि दुई दलका शीर्ष नेताहरूबीच छलफल भएको थियो । राष्ट्रिय सभा सदस्यको चुनाव माघ ११ गते हुँदैछ । निर्वाचन आयोगले २३ पुसका लागि उम्मेदवारी दर्ता तोकेको छ ।