चर्चा कमाउन अर्बपति साक्षी राखेर ३०० खर्चमा विवाह, पाहुना विदा भएपछि फेरि यस्तो...

काठमाडौं । सोमबार बिहान एक व्यक्तिले अर्बपति उपेन्द्र महत्तो साक्षी राखेर रु. ३०० खर्चमा बिहे सम्पन्न गरे । उनको विवाह सामाजिक सञ्जालदेखि अनलाइन मिडियामा भाइरल बन्यो । ति व्यक्ति थिए समता स्कुलका फाउण्डर उत्तम सञ्जेल ।

 

‘३ सय रुपैयाँमै विवाह सम्पन्न, चप्पल लगाएरै बिहे !’ शीर्षकमा समाचार प्रकाशन भए । ४१ वर्षको उमेरमा वैवाहिक बन्धनमा बाँधिएका सञ्जेलले उदाहरणीय काम गरेको भन्दै सामजिक सञ्जालमा बधाइ दिनेहरुको ओइरो थियो । 

 

सस्तोमै विहेको गरेको सस्तो चर्चा सेलाउन नपाउँदै उनी यतिबेला आलोचनाको पात्र बनेका छन् । उनले सोमबार गुहेश्वरी मन्दिरमा सुन्दरीजलकी कला अधिकारीसँग विवाह गरेका हुन् । 

 

तीन सय रूपैयाँ खर्चमा विवाह सम्पन्न गरिएको कारण उनको जोडी चर्चामा आयो । तर अन्तिममा दोस्रो विवाह मण्डपको तस्बिर बाहिर आयो त्यसपछि भयो उनीहरुको नाटकको ‘पर्दाफास’ ।

 

जाबो ३०० रुपैयाँमा सामान्य चप्पल र टिसर्टमा सजिएका सञ्जेलको विवाहले एकाएक सामाजिक सञ्जालमा चर्चाको सगरमाथा चुमेको थियो । तर, उनको त्यो नाटक चार घण्टा पनि टिकेन । मन्दिर परिसरमा गरिएको विवाहमा सहभागी जन्तीलाई विदा गरेपछि उनले जग्गेमा राखेर अर्को विवाहा गरेको खुलासा भएको हो ।

 

सञ्जेलले २०० सय रुपैयाँको माला, ७५ रुपैयाँको पोते र २५ रुपैयाँको सिन्दुर किनेको भन्दै ३०० रुपैयाँमा बिहे गरेको सबैलाई बताएका समेत थिए । साँझ परेपछि भने त्यो विवाहमा टिकिरहन सकेनन् र उनी पुरानै रुढीवादी विवाहमा फर्किए ।

 

पशुपति क्षेत्रको गुहेश्वरी मन्दिरमा गरिएको विवाह समारोहमा कलाकार र पत्रिकाका सम्पादकसमेत गरेर मात्रै १०/१२ जना विवाह समारोहमा सहभागी थिए । विवाह समारोह झण्डै पाँच मिनटमै सकिएको थियो । 

 

विवाह समारोहमा व्यवसायी उपेन्द्र महतो, कलाकारद्धय मदनकृष्ण श्रेष्ठ, हरिवंश आचार्य, मनोज गजुरेल, सिताराम कट्टेल, गुणराज लुईटेल, प्रतिक प्रधान, सुबास घिमिरे लगायत उपस्थित थिए । उनीहरुले लड्डु समेत बाँडेका थिए ।

 

तर पछिको तस्बिरमा पुरोहितसहितको जग्गेबाट धुमधामले गरिएको विहेको फोटो सार्वजनिक भएपछि उनी आफैंले सो कुरा स्वीकार गर्दै संस्कृतिलाई मिच्न नसकिएको बताए । 

 

उनी पाहुना गएपछि जम्बो आफन्तहरुसहित जग्गेमा बसेर पुनः विवाह गर्न राजी भएका हुन् । जग्गेमा बसेर गरेको बिहेमा दुलाहा, दुहलीले अर्कै माला लगाएका छन्, होम हालिएको छ । छेउमा लिंगो ठड्याइएको छ । पुरोहित पनि छन् ।

 

पहिले आदर्श जोडी भनेर चर्चा पाएका यी नवविवाहिताले केही घण्टामै चर्को आलोचना खेपिरहेका छन् ।

 


थप समाचार

स्टेफन बार्कले बेलायतका नयां ब्रेक्जिट मन्त्री

  • 1 hour ago
स्टेफन बार्कले बेलायतका नयां ब्रेक्जिट मन्त्री

ब्रेक्जिट मामिला मन्त्री डोमिनिक राबले विहिबार राजिनामा दिएपछि रिक्त ठाउंको जिम्मेवारी स्टेफन बार्कलेलाई दिइएको छ ।

तमु धि यूकेको नेतृत्वमा आए नन्दजंग

  • 2 hours ago
तमु धि यूकेको नेतृत्वमा आए नन्दजंग

लण्डन । बेलायतको सबैभन्दा ठूलो नेपाली जातीय संस्था तमु धि यूकेको नेतृत्व नन्दजंग गुरुङको कांधमा आएको छ ।

संरक्षित वन्यजन्तुकाे दाह्रासहित ६ जना पक्राउ

  • 10 hours ago
संरक्षित वन्यजन्तुकाे दाह्रासहित ६ जना पक्राउ

काठमाडौं । संरक्षित वन्यजन्तुको दाह्रासहित प्रहरीले ६ जनालाई पक्राउ गरेको छ ।



भिडियो

प्रेम र यौन

यौनवर्धक भियाग्राको प्रयोग कति उचित ?

यौनवर्धक भियाग्राको प्रयोग कति उचित ?

काठमाडौँ । उमेर पुगेका हरेक व्यक्तिलाई यौनको चाहाना हुनु स्वाभाविक नै मानिन्छ तर यदि कोहि महिला वा पुरुषलाई यौन चाहानामा गडबढी हुनु पनि सामान्य हुँदै गएको छ ।

जीवनशैली/स्वास्थ्य

यसरी बस्दै नबस्नुहोस्...

यसरी बस्दै नबस्नुहोस्...

हरेकको आफ्नो आफ्नो बस्ने तरिका हुन्छ । प्राय जसो मानिसहरु लेग क्रस गरेर बस्ने गर्छन् । यो बस्ने तरिकाले शरिरलाई हानी गर्छ । लेग क्रस गरेर बस्नाले तपाईलाई बिमारी समेत बनाउन सक्छ । यसरी बस्नाले शरिरमा यस्ता हानीहरु हुने गर्छ ।

विचित्र विश्व

विश्वकै खतरनाक मार्गहरु

विश्वकै खतरनाक मार्गहरु

संसारमा यस्ता धेरै ठाउँहरु रहेका छन् जसको मार्ग आश्चर्य चकित पार्ने तथा खतरनाक खालका रहेका छन् । आज पनि यी मार्गहरु मानिसहरुले प्रयोग गर्ने गरेका छन् ।