एजेन्सी । अमेरिकी संसदका सभामुख केभिन म्याकार्थीले राजीनामा दिएपछि यो जिम्मेवारी कसलाई दिने भन्ने टुंगो लागेको छैन ।
तर, यसैबीच धेरै विवादमा परेका पूर्व राष्ट्रपति डोनाल्ड ट्रम्पले ठूलो बयान दिएका छन् ।
उनले आफू अमेरिकी संसदको सभामुख बन्न सक्ने बताए ।
ट्रम्पले आफूलाई पार्टीले सभामुखका लागि सम्पर्क गरेको र आफू तयार रहेको दाबी गरेका छन् ।
अमेरिकामा शटडाउनबाट बच्न कोष बिल ल्याइएको थियो। केभिन म्याकार्थीले यसलाई प्रतिनिधिसभाबाट पारित गराउनमा ठूलो भूमिका खेलेका थिए। जसका कारण उनको आफ्नै पार्टी रिपब्लिकनका सांसदहरु उनीसँग रिसाए ।
जुन संसदमा ट्रम्पले सभामुख बन्ने दाबी गर्दै आएका छन्, राष्ट्रपति चुनावको नतिजा आएपछि त्यही संसदमा उनका समर्थकले आक्रमण गरेका थिए ।
अब ट्रम्प यही संसदको सभामुख बन्ने सोचमा छन् ।
ट्रम्पले धेरै मामिलाहरूमा अदालतको चक्कर काटिरहेका छन्। अहिले उनी क्यापिटल हिल जाने तयारीमा छन् ।
