IIMS College

ISMT

HUB Education

बेलायतमा डिग्री गर्ने विदेशी विद्यार्थीलाई २ वर्षे वर्क पर्मिट, सेफ ल्याउन पनि सहज

  • बुधबार, २५ भदौ, २०७६
  • 3 months ago
  • युके
Education Park

 

Kathmandu Trade Show

 

Royal Education Foundation

 

 

 

 

लण्डन । बेलायतमा अध्ययनरत विदेशी विद्यार्थीहरुलाई राहत दिने गरी बेलायतले अध्यागमन नीति परिवर्तनको तयारी गरेको छ ।

 

 

बेलायत सरकारको गृह मन्त्रालयले घोषणा गरेको नयाँ नीतिले बेलायती विश्वविद्यालयहरुबाट डिग्री पूरा गर्ने विदेशी विद्यार्थीहरुलाई २ वर्ष काम गर्ने अधिकार दिनेछ । 

 

 

घोषित नयाँ नीतिले सन् २०१२ मा तत्कालीन गृहमन्त्री टेरेसा मेले लागु गरेको कडाईलाई उल्टाएको छ । डिग्रीपश्चात पोस्ट स्टडी वर्क भिसामा रहेर बेलायतमै काम गर्न पाउने २ वर्षको अवधिलाई हटाउँदै उनले ४ महिनामा झारेकी थिइन् । 

 

 

 

नयाँ व्यवस्थाबाट आउँदो वर्षदेखि बेलायती विश्वविद्यालयमा अन्डर ग्रयाजुएट वा सो भन्दा उपल्लो तहमा अध्ययन सुरु गर्ने विदेशी विद्यार्थीहरु लाभान्वित हुनेछन् । तर बेलायत सरकारको अध्यागमन चेकजाँचमा आधारभूत मापदण्ड पूरा गर्ने विश्वविद्यालयहरुबाट डिग्री पूरा गर्नेहरुले मात्र यो सुविधा पाउनेछन् । 

 

 

 

प्रस्तावित नीतिअनुसार डिग्रीहोल्डर विदेशी विद्यार्थीले कुनै बन्देजबिना जुनसुकै क्षेत्रको काम गर्न पनि पाउनेछन् र उनीहरुको संख्यामा कुनै क्याप लागु हुनेछैन । 

प्रधानमन्त्री बोरिस जोनसनले नयाँ व्यवस्थाले विदेशी विद्यार्थीहरुलाई बेलायतमै रहेर सम्भावनाको ढोकाहरु खोल्न र करियर सुरु गर्न सहयोग गर्ने विश्वास व्यक्त गरेका छन् । 

 

 

 

बेलायतस्थित सोलिसिटर राजु थापाले परिवर्तित नयाँ नीतिले बेलायतप्रतिको विदेशी विद्यार्थीको आकर्षणलाई पुनः स्थापित गर्न सहज हुने बताउँछन् । 

पछिल्ला केहि वर्षहरुमा अध्यागमनमा गरिएको चरम कडाईले बेलायतप्रतिको विदेशी विद्यार्थीको आकर्षण नै घट्दै गइरहेको थियो । डिग्रीपछिको २ वर्ष काम गर्ने सुविधाले अब पक्कै धेरैलाई आकर्षित गर्नेछ, सोलिसिटर थापाले भने,  नेपाली विद्यार्थीहरु बेलायत आउने क्रम पनि पछिल्ला वर्षहरुमा शुन्यप्राय थियो । नयाँ सुविधापछि अब उनीहरुमा पनि बेलायतप्रतिको आकर्षण बढ्ने देखिन्छ । 

 

 

 

बेलायती विश्वविद्यालयहरुको नेटवर्क युनिभर्सिटीज यूकेले सरकारको नयाँ नीतिको स्वागत गर्दै यसले देशको अर्थतन्त्रमा ठूलो टेवा पुर्याउने दाबी गरेको छ । उच्च शिक्षाको लागि संसारकै पहिलो रोजाइको गन्तव्यका रुपमा बेलायतलाई कायम राख्न पनि पछिल्लो परिवर्तनले सहयोग गर्ने उसको अपेक्षा छ । 

 

 

सेफ ल्याउने बाटो सहज 

 

 

यसैबीच ब्रेक्जिटपछिको अध्यागमन नीतिमा विदेशी सेफहरुलाई बेलायत आएर काम गर्ने बाटो पनि सहज बनाइने भएको छ । गृहमन्त्री प्रिति पटेलले मुख्यगरी बेलायतस्थित इण्डियन रेष्टुरेन्टहरुलाई लक्षित गर्दै ‘भिन्डालु भिसा’ शीर्षकको नयाँ नीति घोषणा गरेकी छन् । 

 

 

पछिल्लो केहि वर्षदेखि कार्यान्वयनमा रहेको नीतिले टेकवे सुविधा दिने रेस्टुरेन्ट एवम् करी हाउसहरुलाई विदेशबाट वर्क पर्मिटमा सेफहरु ल्याउने छुट दिंदैन । जसकारण यहाँस्थित धेरै रेष्टुरेन्टहरु सेफको चरम अभावमा पर्दै आएका छन् ।

 

 

तर नयाँ नीतिले टेकवेसहितका रेष्टुरेन्टलाई पनि विदेशबाट सेफहरु ल्याउने सुविधा दिनेछ । जसको लागि वार्षिक ३० हजार पाउण्ड तलबको थ्रेसहोल्ड पूरा गर्नुपर्नेछ । 

 

 

 

बेलायतस्थित भिजा क्वेस्टका सञ्चालक एवम् इमिग्रेसन एड्भाइजर विष्णु खरेलले नयाँ नीतिले यहाँका भारतीय र नेपालीहरुबाट सञ्चालित रेष्टुरेन्टहरुलाई प्रत्यक्ष फाइदा पुग्ने बताउँछन् । 

 

  

यहाँका अधिकांश नेपाली रेष्टुरेन्ट समेत अहिले सेफको अभावमा ठूलो संघर्ष गर्न बाध्य छन्, कतिपय सेफकै अभावमा बन्द हुन बाध्य भएका छन् , इमिग्रेसन एड्भाइजर खरेल भन्छन्, नयाँ नीतिले व्यवसायीहरुलाई सेफसम्बन्धी समस्याबाट ठूलो राहत मिल्नेछ । 


थप समाचार

शेयर काराेबारमा दाेहाेराे अंककाे वृद्धि, कारोबार रकम ७६ करोड नाघ्यो

  • 22 seconds ago
शेयर काराेबारमा दाेहाेराे अंककाे वृद्धि, कारोबार रकम ७६ करोड नाघ्यो

काठमाडौँ । साताको अन्तिम दिन धितोपत्र बजारमा शेयर कारोबार मापक नेप्से परिसूचक दोहोरो अङ्कले वृद्धि भएको छ । नेपाल स्टक एक्सचेन्जका अनुसार आज नेप्से ११.१७ अङ्कले बढेर एक हजार १७२.६४ पुगेको छ ।

विशेष सूचनाका आधारमा सात किलो चरेससहित चार जना पक्राउ

  • 5 minutes ago
विशेष सूचनाका आधारमा सात किलो चरेससहित चार जना पक्राउ

कञ्चनपुर । कैलालीको गोदावरी नगरपालिका–२ बाट प्रहरीले विशेष सूचनाका आधारमा सात किलो चरेससहित चार जनालाई पक्राउ गरेको छ ।

गलकोटको रत्नलक्ष्मी विद्यालयद्वारा २ करोड आर्थिक संकलन

  • 30 minutes ago
गलकोटको रत्नलक्ष्मी विद्यालयद्वारा २ करोड आर्थिक संकलन

बागलुङ । गण्डकी प्रदेशका आर्थिक मामिला तथा योजना मन्त्री किरण गुरुङले सामाजिक सञ्जालमा सरकार विरुद्व भ्रम सिर्जना गरि नकरात्मक प्रचार गर्ने शक्तिलाई उपनिर्वाचनले जवाफ दिएको बताएका छन् । रत्नलक



प्रेम र यौन

महिलाहरु किन अपरिचित पुरुषसंग उत्तेजित हुन्छन् , थाहा पाउनुहोस

महिलाहरु किन अपरिचित पुरुषसंग उत्तेजित हुन्छन् , थाहा पाउनुहोस

ऐजेन्सी ।शारिरक सम्बन्धलाई राम्रो विचारले सोचे राम्रै हुन्छ । नराम्रो विचारले सोचे नराम्रो हुन्छ जब शारिरक सम्बन्धलाई नराम्रो बिचारले हेर्ने गरिन्छ । तब शारिरक सम्बन्ध जतिको घृणित कुरा केहि नहुने अध्ययनहरुले देखाउँदै आएका छन् । यस बिषयमा भन्नु पर्दा नारीहरु लजालु र जाली पनि हुने गर्दछन् भन्ने निष्कर्ष अध्यनहरुले बताएका छन् ।

जीवनशैली/स्वास्थ्य

यस्तो रहेको छ तपाईको विहीबारको भाग्य–मंसिर २६ गते

यस्तो रहेको छ तपाईको विहीबारको भाग्य–मंसिर २६ गते

वि.सं.२०७६ साल मंसिर २६ गते । बिहीबार । ईश्वी सन् २०१९ डिसेम्बर १२ तारिख । नेपाल संवत् ११४० । परिधावी संवत्सर । दक्षिणायन । हेमन्त ऋतु । श्रीशाके १९४१ । काठमाडौंमा सूर्योदय ०६ बजेर ४५ मिनेट, सूर्यास्त बेलुकी ०५ बजेर ०७ मिनेट ।